सिन्धुली/जिल्लाका तीन वटा गाउँपालिकाका घट्ना व्यवस्थापक र प्राथमिक उद्धार समुहका लागी तीन दिने मनोवैज्ञानिक प्राथमिक उपचार सम्वन्धि तालिम सम्पन्न भएको छ । वल्र्डभिजन नेपालको सहयोगमा सामुदायिक विकास कार्यक्रम,सिन्धुलीले संचालन गरेको तीन दिन तालिममा जिल्लाका तीनपाटन, फिक्कल र गोञ्जोर गाउँपालिकाका १६ वटा वडामा २७ जनाको सहभागिता रहेको थियो ।
विषेश गरी विपत्तमा परेका बालबालिकाहरुमा देखिने मनोसामाजिक अवस्थालाई कसरी न्यूनिकरण र उनीहरुसँग कस्तो व्यवहार गर्ने र उनीहरुलाई कसरी व्यवस्थापन गर्ने वा दैनिकीमा कसरी फर्काउन सकिन्छ भन्ने विषयमा स्थानीय घट्ना व्यवस्थापक र प्राथमिक उद्धार समुहलाई जानकारी गराउने उद्धेश्यले तालिमको आयोजना गरिएको सामुदायिक विकास कार्यक्रम सिन्धुल्ीका कार्यक्रम संयोजक धनवहादुर माझिले बताए ।
वल्र्ड भिजनको सहयोगमा सामुदायिक विकास कार्यक्रम सिन्धुलीले जिल्लाको तीन वटा गाउँपालिकाको १६ वटा वडामा बालबालिका सम्वन्धि काम गर्दै आएको छ । विषेश गरी ग्रामिण क्षेत्रमा देखिएको बालविवाह न्यूनिकरण गर्न सहयोग पु¥याउने उद्धेश्यले कार्यक्रमहरु संचालन गर्न सहयोग गरेको वल्र्डभिजनकी अञ्जु भट्टराईले बताईन । तीन दिन सम्म संचालन भएको तालिमको सहजीकरण भने सिएमसी नेपालीक मनोसामाजिक परामर्श अधिकृत लक्ष्मि तामाङले गरेकी थिईन ।
