सिन्धुली । जिल्लाका अटो व्यवसायीहरु आन्दोलित भएका छन । अटो व्यवसायीलाई कमलामाई नगरपालिकाले दैनिक २० रुपैंयाका दरले लगाउँदै आएको पार्किङ शुल्कमा अत्यधिक वृद्धि गरेको भन्दै अटो सञ्चालकहरु आन्दोलित भएकाम हुन । उनीहरुले नगरपालिकाले लगाउने पार्किङ शुल्क अव्यवहारिक भएको आरोप लगाएका छन । नगरपालिकाले साउन १ गतेदेखि दैनिक एकसय रुपैंया पार्किङशुल्क लिने निर्णय गरेको थियो ।
अटो व्यवसायीले पार्किङ स्थल नै छाडेर विरोध गरेका छन । दैनिक २० रुपैंया पार्किङ शुल्क तिर्दै आएका अटो ब्यबसायिबाट दैनिक एक सय रुपैंया शुल्क लिन थालेपछि विरोध गर्नु परेको भद्रकाली यातायात प्रा.लिका अध्यक्ष रेखा गौतमले बताइन ।
नगरपालीकाले टेण्डर मार्फत अब्यवहारिक शुल्क लिएको र पार्किङ स्थलमा नै नगएका अटोबाट समेत जर्वजस्ति पार्किङ शुल्क लिन थालेको उनले बताईन ।
अटो ब्यवसायीको विरोधपछि दैनिक २० रुपैंया पार्किङ शुल्क मात्र तिर्ने मौखिक सहमति भएपछि पार्किङ स्थलमा नै अटोलाई पार्किङ गराईएको छ ।
