सिन्धुली/जिल्लामा सडक दुर्घटनाका कारण ४६ जनाले ज्यान गुमाएका छन । जसमा ३६ जना पुरुष र १० जना महिला रहेका छन । मृतक ४६ जनामध्ये बालबालिकाको संख्या ४ रहेको जिल्ला प्रहरी कार्यालय सिन्धुलीले जनाएको छ ।
आर्थिक वर्ष २०७५÷०७६ मा जिल्लामा ६८ वटा सवारी दुर्घटना भए । जसमा परी ३ जना बालकसहित ३६ जना पुरुष, १ जना बालिका सहित १० जना महिलाको मृत्यु भएको जिल्ला प्रहरी कार्यालय सिन्धुलीका एसपी चक्र बहादुर सिंहले बताए ।
दुर्घटनामा परी १८ जना बालकसहित ११५ जना पुरुष र १९ जना बालिका सहित ५५ जना महिला घाइते भएका छन । घाइते मध्ये ५३ जना पुरुष, १८ महिला, ४ बालक र ४ बालिका गरि ७९ जना गम्भिर घाइते भएका छन भने ४४ जना पुरुष, १८ जना महिला, १४ जना बालक र १५ जना बालिका गरी ९१ जना सामान्य घाईते भएको उनले बताए ।
एक करोड बीसलाख राजस्व संकलन
जिल्लामा सवारी साधानको कारवाहिबाट जिल्ला ट्राफिक प्रहरी कार्यालय सिन्धुलीले १ करोड २० लाख ४४ हजार राजस्व संकलन गरेको छ । आर्थिक वर्ष २०७५÷०७६ मा उक्त राजस्व संकलन गरिएको जिल्ला ट्राफिक प्रहरी कार्यालय सिन्धुलीका प्रमुख सई विष्णु बहादुर बस्नेतले बताए ।
झण्डै १७ हजार सवारी कारवाहिमा
बस्नेतका अनुसार यो अवधिमा १६ हजार ७२२ सवारी साधान कारवाहिमा परेका छन । कारवाहिमा पर्नेमा सबैभन्दा बढी ४ हजार ६६९ जीप तथा कार र ४ हजार ६३१ ट्रक कारवाहिमा परेका छन । उनका अनुसार जिल्लामा सबैभन्दा बढी ट्राफिक नियम जीप कार र ट्रकले गर्ने गरेको देखिएको छ । यस्तै ३ हजार ७४४ मोटरसाईकल, २ हजार ६९५ बस र ७४५ ट्याक्टर र टेम्पोलाई कारवाहि गरिएको छ ।
