सिन्धुली । बिरुवा रोप्ने कुरा भन्दा पनि बिरुवालाई हुर्काएर प्रतिफल लिने कुरा महत्वपूर्ण रहेको प्रदेश नं. ३ का उद्योग, पर्यटन, बन तथा बातावरण मन्त्री अरुण कुमार नेपालले बताए । उनले विरुवालाई आम्दानीसँग जोड्न सकियो भने मात्र सम्बृद्धि आउने बताए ।
बृक्षारोपण दिवसको अवसरमा सिन्धुलीको हरिहरपुरगढीमा आयोजित एक समारोहलाई सम्बोधन गर्दै बृक्षारोपणलाई उत्पादन र सम्वृद्धिसँग जोड्नु पर्नेमा जोड दिए । आँप, कटहर, लीची जस्ता फलफुलका विरुवाले आम्दानीमा बृद्धिसँगै रोजगारी समेत सृजना हुने भएकाले त्यसतर्फ जोड दिन बन समुहहरुलाई मन्त्री नेपालले आग्रह गरेका छन ।
नमुना कवुलियती कृषि सहकारी संस्था लिमिटेड र हरियाली वन विकास सामुदायिक वन उपभोक्ता समूहले आयोजना गरेको तारवार सहित फलफूल तथा अन्य वन विरुवा वृक्षारोपण कार्यक्रमलाई सम्बोधन गर्दै उनले खाली जग्गाहरुमा आयमुलक विरुवाहरु हुर्काइ जनताको जीवनस्तरमा परिवर्तन ल्याउन सरकार लागी परेको बताए ।
डिजिभन वन कार्यालय, मरिणको आर्थिक अनुदान तथा प्राविधिक सहयोगमा भएको कार्यक्रममा बोल्दै प्रदेश नं. ३ का सांसद बुद्धिमान माझीले बनको उचित संरक्षण र विकास गर्दै खाली जग्गाहरुको उपयोग गर्न सरकार क्रियाशिल रहेको बताए । उनले व्यवसायीक उत्पादनसँग जनतालाई जोड्न आवश्यक रहेको बताए ।
कार्यक्रममा उद्योग, पर्यटन बन तथा वातावरण मन्त्रालयका सचिब शिवकुमार वाग्ले, हरिहरपुरगढी गाउँपालिकाका अध्यक्ष कार्साङ लामा, नेपाल कम्युनिष्ट पार्टी (नेकपा) का केन्द्रिय सदस्य कमलजंग राई लगायतले मन्तव्य व्यक्त गरेका थिए ।
नमुना कबुलियती कृषि सहकारी संस्थाका अध्यक्ष गोपाल घतानीको अध्यक्षतामा भएको कार्यक्रममा डिभिजन वन कार्यालय, मरिणका प्रमुख लोकराज नेपालले स्वागत गर्नु हुंदै राष्ट्रिय वृक्षारोपण दिवस र वृक्षारोपण कार्यक्रमको वारेमा प्रकाश पर्नु भएको थियो ।
उक्त कार्यक्रममा उद्योग, पर्यटन, वन तथा वातावरण मन्त्रालयका उपसचिब गोपाल गौतम, डिभिजन बन कार्यालय सिन्धुलीका प्रमुख नारायण श्रेष्ठ, सामुदायीक बन उपभोक्ता महासंघ मरिणका अध्यक्ष पेमादोर्जे बम्जन, नेपाल बन पैदावार उद्योग ब्यवसायी संघ सिन्धुलीका अध्यक्ष सुन्दर घिसिग लगायतको उपस्थिती रहेको थियो ।
कार्यक्रम अन्र्तगत १० वटा कवुलियती बन समुहको क्षेत्र भित्र १६.६३ हेक्टर र हरियाली बन विकास सामुदायीक बन क्षेत्रको ३.५० हेक्टर जमिनमा तारबार सहित लिची, आप, कटहर, सत्तिसाल र अगउडका १० हजार ६ सय विरुवा रोपिएको छ । बिरुवाहरुको संरक्षणको लागी हेरालु र चरिचरण नियन्त्रणको ब्यवस्था समेत मिलाइएको डिभिजन बन कार्यालय मरिणका सहायक बन अधिकृत शम्भु तामाङले बताए ।
रोपिएको विरुवाहरुलाई ब्यस्थित गर्न बन डिभिजन कार्यालयबाट प्राविधिक सहयोग भएको र कवुलियती बन समुहले बिरुवा हुर्काउन सकेमा समुहमा आवद्ध १ सय ५० घरधुरीले ५ देखी १० वर्षमा ६ करोड बार्षिक आम्दानी लिन सक्ने तामाङले बताए ।
