सिन्धुली । हरिहरपुरगढीमा सोमबार राती छोराले बञ्चरो प्रहार गरेर बाबुको हत्या गरेका छन । हरिहरपुरगढी गाउँपालिका वडा नं. ७ पञ्चचौरी लामपातेका ५८ वर्षिय लाल बहादुर घिमिरे ९वि।क० लाई उनकै माईलो छोरा २१ वर्षिय अमृत घिमिरे ९वि।क० ले बञ्चरो प्रहार गरि हत्या गरेका हुन ।
बेलुका साढे आठ बजेतिर सुतिरहेका बाबुलाई छोराले बञ्चरो प्रहार गरि हत्या गरेको जिल्ला प्रहरी कार्यालय सिन्धुलीले जनाएको छ ।
बञ्चरोले टाउकोमा प्रहार गर्दा लाल बहादुरको घटनास्थलमै मृत्यु भएको प्रहरीले जनाएको छ ।
बाबुको हत्या गर्ने छोरा अमृतलाई सोमबार राती नै बञ्चरो सहित पक्राउ गरिएको जिल्ला प्रहरी कार्यालय सिन्धुलीका एसपी गोविन्दराज काफ्लेले बताए ।
उनका अनुसार घटनाको अनुसन्धान भईरहेको र प्रारम्भिक अनुसन्धान अनुसार अमृतको मानसिक अवस्था ठीक नभएको भन्ने जानकारी प्रहरीले प्राप्त गरेको छ । लालबहादुरको शव पोष्टमार्टमका लागि सिन्धुली अस्पतालमा ल्याईएको काफ्लेले जानकारी दिए ।
