सिन्धुली/सहिद ऋषिराज देवकोटा (आजाद) स्मृति फुटवल ४ को शुक्रबार एक खेल भएको छ । इनारपानी युवा क्लब इनारपानी सिन्धुलीको आयोजनामा कमलामाई नगरपालिका ९ भिमानमा जारी खेलमा कटारी ५ कटारी उदयपुर र व्याङखाडी युवा क्लब महोत्तरीबीच प्रतिस्पर्धा भएको थियो ।
९० मिनेटको खेल बराबरीमा सकिएपछि पेनाल्टी सुटबाट व्याङखाडी युवा क्लबले कटारी ५ उदयपुरलाई ४–३ गोल अन्तरले जितेको छ । खेलको ९० मिनेटसम्म दुवै टिमले गोल गर्न सकेनन । खेल बरावरीमा सकिएपछि पेनाल्टी सुटका लागि समय दिईएको थियो । पेनाल्टीबाट व्याङखाडी युवा क्लबले ४ गोल ग¥यो भने कटारी–५ कटारी उदयपुरले ३ गोल गरेको इनारपानी युवा क्लबका अध्यक्ष जीवन चौहानले बताएका छन ।
चौहानका अनुसार शनिबार पनि एक खेल हुने छ । जसमा श्री रत्नज्योति युवा क्लब रत्नपुर र न्यु नव क्षितिज युवा क्लब वसन्तपुरबीच प्रतिस्पर्धा हुने छ ।
बुधबारदेखि जारी फुटवल प्रतियोगिता कार्तिक २५ गतेसम्म चल्ने छ । खेलमा १६ टिम सहभागि रहेको छ । प्रतियोगितामा सिन्धुली, धनुषा, महोत्तरी, उदयपुर, काठमान्डौ लगाएतका खेलाडीहरु खेलमा सहभागि भएका छन ।
यो जिल्लामा हुने खेलकुद मध्ये धेरै पुरस्कार राशी रहेको खेल हो । आजाद स्मृति फुटवल प्रतियोगिताका विजेताले २ लाख ५१ हजार १११ रुपैंया पुरस्कार, शिल्ड, मेडल प्राप्त गर्नेछन भने उपविजेताले १ लाख २५ हजार १११ रुपैंया शिल्ड मेडल प्राप्त गर्नेछन ।
यस्तै उत्कृष्ट खेलाडीलाई ५ हजार रुपैंया, सर्वाधिक गोलकर्ता र उत्कृष्ट गोल रक्षकलाई ३ हजार रुपैंया पुरस्कार सहित कप, मेडल र प्रमाणपत्र प्रदान गरिने छ भने म्यान अफ द म्याचलाई मेडल प्रदान गरिने छ । आजाद स्मृति फुटवल प्रतियोगिता यस अघि २०७६, २०७७ र २०७९ मा सिन्धुलीको भिमानमा सम्पन्न भएको थियो ।
