सिन्धुली । तेस्रो राष्ट्रिय माझी गोल्डकप फुटबल प्रतियोगिता जिल्लाको मरिणमा जारी छ । गोल्डकपको तेस्रो दिन तीन वटा खेल सम्पन्न भएका छन । तीनवटा खेलमा ओखलढुंगा, रामेछापा र मकवानपुर विजयी भएका छन ।
नेपाल माझी उत्थान संघ ओखलढुंगा र नेपाल माझी उत्थान संघ नुवाकोट बीच भएको खेलमा ओखलढुंगाले नुवाकोटलाई ३–० गोलले पराजित गरेको छ ।
यस्तै नेपाल माझी उत्थान संघ स्याङजा र नेपाल माझी उत्थान संघ मकवानपुरबीच भएको खेलमा स्याङ्जालाई मकवानपुरले २–० गोल अन्तरले पराजित गरेको छ ।
तेस्रो खेल नेपाल माझी उत्थान संघ सिन्धुली (वि) र नेपाल माझी उत्थान संघ रामेछाप बीच भएको थियो । उक्त खेलमा रामेछापले सिन्धुली वि लाई २–० गोलले पराजित ग¥यो ।
विभिन्न जिल्लाका माझी समुदायसँग समन्वय र सम्पर्कका साथैै माझी समुदायको राजनीतिक, आर्थिक, सामाजिक र साँस्कृतिक अवस्थालाई मजवुद बनाउने उद्देश्यले गोल्डकपको आयोजना गरिएको नेपाल माझी उत्थान संघ सिन्धुलीले जनाएको छ ।
खेल कार्तिक २१ गतेसम्म चल्ने छ । खेलमा २३ टिमको सहभागिता रहेको धनबहादुर माझीले बताएका छन । मरिण गाउँपालिका वडा नं. ७ को बाह्रविसे खेल मैदान र हरिहरपुरगढी गाउँपालिका वडा नं. ५ बोटेनी खेल मैदानमा जारी छ ।
