सिन्धुली । जिल्लाका सबै स्थानीय तहमा मतगणनाको तयारी गरिएको छ । मरिण गाउँपालिका, हरिहरपुरगढी गाउँपालिकामा मतगणना सुरु भईसकेको छ । हरिहरपुरगढी गाउँपालिका वडा नं. १ बाट मतगणना सुरु भएको छ ।
यस्तै मरिण गाउँपालिका वडा नं. १ मा मतगणना अन्तिम चरणमा पुगेको छ । उक्त वडामा नेकपा माओवादी (केन्द्र) ले अग्रता लिएको छ । यस्तै तिनपाटन गाउँपालिका, सुनकोशी गाउँपालिका, दुधौली गाउँपालिका, घ्याङलेख गाउँपालिकामा सर्वदलीय बैठक सुरु भएको छ ।
कमलामाई नगरपालिकामा सर्वदलिय बैठक सकिएको छ । १२ बजेदेखि मतगणना सुरु हुदैछ ।
गोलञ्जोरमा गठबन्धन र एमालेका कार्यकर्ताबीच झडप हुदा मतगणना हुन सकेको छैन । सर्वदलिय बैठक बस्न नसकेका कारण मतगणना हुन नसकेको हो ।
फिक्कल गाउँपालिकामा मतगणना हुन सकेको छैन । दलका प्रतिनिधि गठबन्धनले मनोमानी ढंगबाट राख्न थालेको भन्दै विवाद भएपछि मतगणना हुन सकेको छैन ।
