सिन्धुली । जिल्लाका नौ वटा गौह्र सरकारी संस्थाहरुले आइसोलेसन भवन निर्माणका लागि सहयोग गरेका छन । गैह्र सरकारी संस्था महासंघको नेतृत्वमा रकम जम्मा गरि ८८ हजार ७ सय रकम हस्तान्तरण गरेका हुन ।
सामुदायिक सरोकार समाज दश हजार, श्री सिन्धुली दश हजार, सामुदायिक विकास कार्यक्रम दश हजार, सहकार्य नेपाल १० हजार, ग्रामीण महिला चेतना केन्द्र, १० हजार सात सय, हुडेक १० हजार, ह्याण्ड्स सिन्धुली १० हजार, जेएसडिपी ८ हजार र जिल्ला लघु उद्यमी समूह संघले १० हजार संकलन गरि एकमुष्ट ८८ हजार ७ सय हस्तान्तरण गरेका हुन ।
गैसस महासंघका पूर्व महासचिव मिलन श्रेष्ठले गैसस महासंघको तर्फबाट आइसोलेसन निर्माण समितिका संयोजक अशोक श्रेष्ठलाई रकम हस्तान्तरण गरेका हुन ।
यसैबीच सिन्धुलीमा निर्माणाधिन ५० बेडको आइसोलेसन भवन निर्माण कार्यको लागि इम्मानुएल कन्स्ट्रक्सन प्रालि, सिन्धुलीका प्रबन्ध निर्देशक छत्र बम्जनले २ सय बोरा ओपिसि सिमेन्ट सहयोग गरेका छन ।
यस्तै आइसोलेसन निर्माणका लागि राष्ट्रिय सभा सदस्य गोपी आछामीको पहलमा नगद तथा निर्माण सामग्री जुटेको छ । आछामीको पहलमा बासु बिडारी (बाबा मसला, काठमाडौ) ले पचास हजार, सत्यनारायण केयल (नारायणी स्टील उद्योग, विरगन्ज) ले एकसय बोरा ओपिसि सिमेन्ट, काठमान्डौ निवासी श्रीकृष्ण गोयन्काले एकसय पचास बोरा सिमेन्ट र नवराज श्रेष्ठ (प्रवन्ध निर्देशक, तुलसीभक्त कन्स्ट्रक्सन प्रालि) ले एक सय बोरा ओपिसि सिमेन्ट सहयोग गरेको श्रेष्ठले बताए ।
