सिन्धुली । बीपी राजमार्गमा बस र मोटरसाईकल दुर्घटना हुदा एक जनाको मृत्यु भएको छ । सुनकोशी गाउँपालिका ३ सादीखोलामा झापाबाट काठमाडौँतर्फ गइरहेको मे १ ख ३१८२ नम्बरको यात्रुबाहक बस र काठमाडौँबाट उदयपुरतर्फ गइरहेको बा ६८ प ८५४८ नम्बरको मोटरसाइकल ठोक्किदा मोटरसाईकल चालकको मृत्यु भएको हो ।
दुर्घटनामा घाइते भएका उदयपुरको त्रियुगा नगरपालिका ९ का २७ वर्षिय नविन विशुंखेको उपचारका लागि धुलिखेल तर्फ लाने क्रममा बाटोमा मृत्यु भएको प्रहरीले जनाएको छ । बसका चालकलाई पक्राउ गरी आवश्यक कारवाही अगाडि बढाइएको जिल्ला प्रहरी कार्यालय सिन्धुलीका एसपी चक्र बहादुर सिंहले बताए ।
फेसबुक मार्फत प्रतिकिया दिनुहोला
Advertisement. Scroll to continue reading.
