सिन्धुली/सिन्धुलीमा आत्महत्याको तथ्यांक बढ्दो अवस्थामा देखिएको छ । जिल्ला प्रहरी कार्यालय सिन्धुलीले विश्व आत्महत्या रोकथाम दिवसका अवसरमा मंगलबार सिन्धुलीमाढीमा आयोजना गरेको अन्तक्र्रिया कार्यक्रममा जिल्ला प्रहरी कार्यालयले यस्तो जानकारी दिएको हो । विगत तीन वर्षको तथ्यांकलाई हेर्दा आत्महत्याको दर बढ्दो देखिएको जिल्ला प्रहरी कार्यालय सिन्धुलीका प्रमुख एसपी चक्र बहादुर सिंहले जनाए । उनका अनुसार सिन्धुलीमा आर्थिक वर्ष २०७३÷०७४ मा जम्मा मुद्दाको संख्यामा २८ प्रतिशत मुद्दा आत्महत्याको रहेकोमा आर्थिक वर्ष २०७४÷०७५ मा ३२ प्रतिशत पुग्यो भने आर्थिक वर्ष २०७५÷०७६ मा ४० प्रतिशत पुगेको छ ।
तीनवर्षको तथ्यांकमा हेर्दा जिल्लामा आर्थिक वर्ष २०७३÷०७४ मा ५७ जनाले आत्महत्या गरेकोमा आर्थिक वर्ष २०७४÷०७५ मा ६६ जनाले आत्महत्या गरे । यस्तै आर्थिक वर्ष २०७५÷०७६ मा आत्महत्या गर्नेको संख्या ८२ पुगेको एसपी सिंहले बताए ।
सिन्धुलीको आत्महत्याको अवस्थाको विश्लेषण गर्दै उनले यो वर्ष १२ जनाले आत्महत्या गरेको जनाए । यस्तै उनले यसरी आत्महत्या गर्नेमा पुरुषको संख्या बढीरहेको बताए । तीनवर्षमा ११९ जनाले आत्महत्या गरेका छन भने ८६जना महिलाले आत्महत्या गरेका छन । आत्महत्या गर्नेमा १० जना बालबालिका समेत छन ।
आत्महत्याको मुख्य कारणका रुपमा घरयासी समस्यालाई प्रहरीले औंल्याएको छ । गरिवी तथा बेरोजगारी दोस्रो कारण र मानसिक असन्तुलन तेस्रो कारणका रुपमा रहेको पाईएको प्रहरीको तथ्यांकमा उल्लेख छ । यस्तै शिक्षाको पहुँच नभएका व्यक्तिहरु नै आत्महत्या गर्ने गरेको प्रहरीले जनाएको छ । सामान्य साक्षरहरुले सबैभन्दा बढी आत्महत्या गरेको सिंहले बताए । त्यस्तै अविवाहितहरुले भन्दा विवाहितहरुले आत्महत्या गरेको पाईएको छ । तीन वर्षको तथ्यांक हेर्दा १५९ जना विवाहितले आत्महत्या रोजेका छन भने आत्महत्या गर्नेमा ४६ जना अविवाहित रहेका छन ।
यस्तै आत्हत्या गर्नेमा बालबालिका, युवायुवति र जेष्ठ नागरिक समेत रहेको प्रहरीको विश्लेषण छ । आत्महत्याको तरिकालाई हेर्दा झुण्डिएर आत्महत्या गर्नेको संख्या अत्यधिक छ भने विष सेवन गरेर आत्महत्या गर्ने पनि छन । जिल्लामा झुण्डिएर १४८ र विष सेवन गरेर ५७ जनाले विष सेवन गरेर आत्महत्या गरेका छन । आत्महत्या गर्नेहरुले सुसाईट नोट लेखेको नपाईएको र दुरुत्साहन भएको भन्ने पनि उजुरी नभएको पाईएको एसपी सिंहले बताए ।
कार्यक्रममा सरोकारवालाहरुले आत्महत्या दुरुत्साहनलाई कम गर्न कानुनी सचेतता गाउँ गाउँसम्म पु¥याउनुपर्ने, मनोविमर्श सेवा गाउँगाउँसम्म लानुपर्ने, प्रहरी नागरिक समाज, संघसंस्था, सञ्चार लगाएतले सचेतना जगाउनुपर्ने र सरकारी निकायले यसको नेतृत्व लिनुपर्ने सुझाव दिएका छन । त्यस्तै आत्महत्यालाई न्युनिकरण गर्न महिला हिंसा र बेरोजगारीको समस्या घटाउनुपर्ने सुझाव समेत दिएका छन ।
