सिन्धुली /तीनपाटन गाउँपालिकाको वित्तिय साक्षरता कार्यक्रम सोमवार चकमके वजारमा सम्पन्न भएको छ । लघुवित्तहरुको समुह गोण्ठीको कार्यक्रममा समुहका अध्यक्षहरुलाई वित्तीय साक्षरता दिईएको हो ।
नेशनल लघुवित्त वित्तीय संस्था लि. शाखा कार्यालय चकमके बजारको आयोजनामा लघु वित्त समूहको अध्यक्ष गोष्ठी आयोजना गरिएको थियो । सोही कार्यक्रममा उपस्थितहरुलाई वित्तय साक्षरता दिईएको हो ।
लघुवित्त समूह नं ४ अन्तर्गतका व्यत्तिहरुका लागि आयोजित कार्यक्रम समूहकी अध्यक्ष चन्द्र कुमारी वि.क.को अध्यक्षमा तथा तिनपाटन गाउँपालिकाका अध्यक्ष कर्ण बहादुर थापाको प्रमुख अतिथ्यतामा सम्पन्न भएको थियो ।
कार्यक्रममा वित्तीय साक्षरताको महत्व, नियमित बचत ऋण सदुयोग, आर्थिक अनुशासन तथा आयआर्जन वृद्धि सम्बन्धी जानकारी गराईएको थियो ।
सहभागिहरुलाई वित्तिय सेवाको प्रभावकारी उपयोग कसरी गर्ने , सो माध्यमवाट आर्थिक रुपमा सशक्त बन्न कसरी प्रेरित गर्ने भन्ने विषयमा जानकारी दिईएको थियो । कार्यक्रममा गाउँपालिकाका अध्यक्ष थापाले कर्जाको सही सदुयोग, आर्थिक क्रियाकलापमा सक्रिय सहभागिता, आर्थिक आत्मानिर्भर कसरी वन्ने भनेर , आम्दानीको अन्य श्रोतको खोजी गर्नु पर्ने वताए ।
उनले अनुशासित ढङ्गबाट काम गरी कर्मचारी हरुलाई बैंकीङ कसूर जस्ता कुराहरुको ख्याल गरेर काम गर्न आग्रह गरे उनले बचत गर्दै ऋणको उद्देश्य अनुरुप कर्जा सदुपयोग गर्न तथा फजुल खर्च नगर्न सुझाव दिएका थिए । कार्यक्रममा शाखा प्रमुख विनु मोक्तानले संस्थाको समग्र अवस्था तथा वित्तीय साक्षरताको महत्वको जानकारी दिएकी थिईन ।
उनले नेशनल लघुवित्त वित्तीय संस्था हाल नेपालको ७ वटै प्रदेशका ७४ जिल्लामा १८५ वटा शाखा मार्फत वित्तीय सेवा प्रदान गरिरहेको जानकारी दिएकी थिईन ।
शाखाको सञ्चालन व्यवस्थापन तथा अनुगमनका लागि देश भर १५ वटा अनुगमन कार्यालय रहेको समेत उनले वताईन । उत्त वित्तीय संस्थामा हाल देश भरी २ लाख ६७ हजार भन्दा धेरै सदस्य आवद्ध रहेको वताईन । ती सदस्यहरु मध्ये १ लाख २६ हजार भन्दा बढि ऋणी सदस्य रहेको रुपमा संस्थामा कारोवार गरिरहेको उनले वताईन ।
कार्यक्रममा देशभरी उक्त वित्तीय संस्थाले २८ अर्ब रुपैया भन्दा बढि कर्जा लगानी गरेको र करीव ७ अर्ब बचत संकलन गरेको जानकारी दिइएको थियो ।
कार्यक्रममा बचतको गर्ने बानीको विकासले , ऋणको वित्तीय साक्षरतामा महत्वपूर्ण सहयोग पुग्ने जानकारी गराईएको थियो ।
कार्यक्रममा उत्कृष्ट कार्यसम्पदन गर्ने समूह तथा सदस्यहरुलाई पुरस्कार तथा कदरपत्र वितरण गरिएको थियो उक्त चकमके शाखामा आवद्ध ५८ वटा समूह मध्ये समूह नं १७ प्रथम समूह नं २८ िद्धितिय र समूह नं १४ ले तृतिय स्थान हासिल गरेको थियो । यी समुहलार्य पुरस्कार सहित कदरपत्र प्रदान गरिएको थियो ।
त्यसै सवै समूह मध्ये सबै भन्दा बढि बचत गर्न सफल समूह नं ४८ को भोज राज श्रेष्ठलाई कदरपत्र प्रदान गरिएको थियो ।
उत्कृष्ट उद्यमी तथा व्यवसाय सञ्चालन गर्न सफल समूह नं ३६ की सदस्य मिना कुमारी पिटाकोटेलाई सम्मान गरिएको थियो ।
नेशनल लघुवित्तले समुदायस्तरमा वित्तीय पहूच विस्तार बचत विकास तथा वित्तीय साक्षरता अभिवृद्धिको लागि यस्ता कार्यक्रमलाई निरन्तरता दिदै आएको जनाएको छ ।
