सिन्धुली । विहिबार साँझ विपी राजमार्गमा हायस दुर्घटना हुँदा घाईते भएका एकजनाको उपचारको क्रममा मृत्यु भएको छ । मृत्यु हुनेमा सप्तरी घर भई हाल धनुषा उपमहानगरपालिका – १० बस्ने ५० वर्षका निर्मल गुप्ता रहेको जिल्ला प्रहरी कार्यालय सिन्धुलीका एसपी गोविन्दराज काफ्लेले बताए ।
गुप्ताको उपचारका क्रममा धुलिखेल अस्पतालमा शुक्रबार विहान ३ बजे मृत्यु भएको एसपी काफ्लेले बताए । घाईतेमध्ये २ जनाको धुलिखेल अस्पताल, २ जनाको विएण्डवि अस्पताल, २ जना ट्रमा सेन्टर काठमान्डौ र ४ जनाको सुनकोशी अस्पताल खुर्कोटमा उपचार भईरहेको छ ।
विहिबार काठमान्डौबाट जनकपुरतर्फ जाँदै गरेको बा३ख८४४५ नम्बरको हायस विपी राजमार्ग अन्तर्गत सुनकोशी गाउँपालिका ६ कानढुंग्रेमा दुर्घटना भएको थियो । दुर्घटनामा परि १२ जना घाईते भएका थिए । ब्रेक फेल भएर गाडी अनियन्त्रित हुँदा सडक छेउँको डिभाईडरमा ठोक्किएर भएको एसपी काफ्लेले बताए ।
