सिन्धुली । गए राती विपी राजमार्गको सोलाभञ्ज्याङमा ट्याक्टर दुर्घटना हुँदा एक जनाको मृत्यु भएको छ । बुधबार राती भएको दुर्घटनामा परि एक जना घाइते भएका छन् ।
मृत्यु हुनेमा ट्याक्टरमा यात्रा गरिरहेका फिक्कल गाउँपालिका–५ का ३० वर्षीय दिनेश काफ्ले रहेका छन् ।
कमलामाई नगरपालिका–३ सोलाभञ्याङ तुफान डाँडामा बुधबार राति ११ बजे प्र२–०३–००१त४११३ नम्बरको सिमेन्ट र रड बोकेको ट्याक्टर दुर्घटना भएको थियो ।
Advertisement. Scroll to continue reading.
दुर्घटनामा परि घाईते भएका काफ्लेको उपचारका लागि सिन्धुली अस्पतालमा ल्याइएकोमा उपचारका क्रममा विहिबार विहान मृत्यु भएको थियो ।
यस्तै ट्याक्टरका चालक तीनपाटन गाउँपालिकाका गोपाल तोलङ्गी घाईते भएका छन । चालकको अवस्था सामान्य रहेको र उनी प्रहरी नियन्त्रणमा रहेको जिल्ला प्रहरी कार्यालय सिन्धुलीले जनाएको छ ।
फेसबुक मार्फत प्रतिकिया दिनुहोला
