सिन्धुली । जिल्ला आयुर्वेद स्वास्थ्य केन्द्र सिन्धुलीले मंगलबार जिल्लाका पत्रकारहरुसँग अन्तक्र्रिया गरेको छ । आयुर्वेद स्वास्थ्य सेवालाई प्रवद्र्धन गर्नका लागि पत्रकारहरुसँग अन्तक्र्रिया गरिएको हो ।
मान्छे सर्ने रोग भन्दा बढी नसर्ने रोगको जोखिममा रहेको भन्दै रोग लाग्न नदिनका लागि आयुर्वेद स्वास्थ्य सेवालाई प्रभावकारी बनाउन पत्रकारहरुसँग अन्तक्र्रिया गरिएको जिल्ला आयुर्वेद स्वास्थ्य केन्द्रका प्रमुख डा. अर्जुन उपाध्यायले बताए ।
उनले कार्यालयले सञ्चालन गरेका कामका बारेमा जानकारी गराएका छन भने आयुर्वेद स्वास्थ्य सेवा जिल्लामा प्रभावकारी हुदै गएको समेत जानकारी दिएका छन । प्रमुख जिल्ला अधिकारी सुनिता नेपालको प्रमुख आतिथ्यतामा भएको कार्यक्रममा आयुर्वेद स्वास्थ्य सेवा जिल्लाभरी नै प्रभावकारी रुपमा सञ्चालनमा रहेको जानकारी दिईएको थियो ।
कार्यक्रममा जिल्लामा आयुर्वेद स्वास्थ्य सेवा लिने नागरिकको संख्या बढ्दै गएको जानकारी दिईएको छ । डा. उपाध्यायका अनुसार जिल्लामा आर्थिक वर्ष २०७९÷८० मा २० हजार २२८ जनाले सेवा लिएका छन । यो संख्या विगत वर्ष भन्दा करीब ६ हजार बढी रहेको पनि जानकारी दिईएको छ ।
जिल्ला आयुर्वेद स्वास्थ्य केन्द्रले जिल्लाका १० स्थानबाट सेवा दिईरहेको छ । जिल्ला आयुर्वेद स्वास्थ्य केन्द्र १, आयुर्वेद औषधालय ५ र नागरिक आरोग्य केन्द्र ४ स्थानमा रहेको समेत कार्यक्रममा जानकारी दिईएको छ ।
कार्यक्रममा जिल्ला आयुर्वेद स्वास्थ्य केन्द्र सिन्धुलीले दिदैं आएका सेवाहरुको बारेमा समेत जानकारी दिईएको छ । केन्द्रले जीवनशैली परामर्श, योग, स्वस्थ जीवन कार्यक्रम, प्रयोगशाला, भिडियो एक्सरे सेवा, पञ्चकर्म पूर्वकर्म सेवा, क्षारसुत्र सेवा, अक्कुपञ्चर सेवा, फिजियोथेरापी सेवा लगाएतका सेवाहरु दिदैं आएको जनाईएको छ ।
यस्तै आयुर्वेदिक सूचना तथा स्वास्थ्य शिक्षा कार्यक्रम, जेष्ठ नागरिक स्वास्थ्य प्रवद्र्धन कार्यक्रम, मातृशिशु सुरक्षार्थ सेवा लगाएतका सेवाहरु सञ्चालनमा आएको जानकारी गराईएको छ । यस्तै केन्द्रले शल्यक्रिया सेवालाई समेत प्रभावकारी बनाउँदै लगिएको उपाध्यायले जानकारी दिएका छन । उनका अनुसार गत आर्थिक वर्षमा ५६ जनाले यो सेवा लिएका थिए भने चालु वर्षमा पनि यो सेवा लिने क्रम बढ्दै गउको छ ।
यस्तै केन्द्रले योग सेवा, जेष्ठ नागरिक सेवा, पञ्चकर्म सेवा लगाएतका सेवाहरु समेत प्रभावकारी बन्दै गएको जनाएको छ ।
