सिन्धुली । सिन्धुलीका प्रहरी प्रमुख एसपी राजकुमार सिलवाललाई नागरिकमा तर्फबाट कनपा ६ का वडाअध्यक्ष उज्जल कुमार थापाले प्रश्न गरे लागु औषध बढेको बढेकै छ चेकजाँच हुन्छ की हुन्न ? यो प्रश्नले जिल्लामा अत्यधिक लागु औषध प्रयोगकर्ता रहेका छन । लागु औषधको कारोबार बढी रहेको छ भन्ने संकेत ग¥यो । उनले थपे, अब प्रहरीको निगरानी पटका कसले पट्काउँछ भन्ने तिर भन्दा गाँजा, चरेस, ट्यावलेट लगाएतका लागु औषध नियन्त्रण तर्फ हुनुप¥यो ।
सिन्धुलीको सदरमुकाको मुख्य बजार क्षेत्र रहेको वडाभित्र लागु औषध प्रयोगकर्ताहरुको जक्सन बढीरहेको बताउँदै उनले प्रहरीलाई प्रश्न गरेका हुन । उनले बरु लागु औषध प्रयोगकर्ता बस्ने ठाउँको पहिचान गर्न जनप्रतिनिधिका रुपमा र आम नागरिकका हिसाबमा सहयोग गर्ने समेत बताए ।
सिन्धुलीमाढीमा रहेको लोकतान्त्रिक चोकमा जिल्ला प्रहरी कार्यालय सिन्धुलीले आइतबार आयोजना गरेको नागरिक सुनुवाई कार्यक्रममा प्रहरी प्रमुखलाई गरिएको यो गम्भिर प्रश्न अधिकांश नागरिकले गरेका छन ।
नेपाल पत्रकार महासंघ सिन्धुलीका अध्यक्ष कृष्णहरी घिमिरेले पनि लागु औषध नियन्त्रण गर्न कुना काप्चामा निगरानी गर्नुपर्ने बताए । उनले प्रहरीले खुलामञ्चमै गाँजा भरेर खाँदा समेत नदेखेको जस्तो गरेको आरोप लगाए । कनपा ५ का कर्ण बहादुर सुनुवारले लागु औषधको बारेमा सूचना दिँदा सूचना दिने कै ज्यान खतरामा रहेको बताए ।
समाजसेवी एवम् पूर्व शिक्षक प्रतिमान बम्जनले प्रहरी गाँजा फाँडेको जस्तो गर्ने र अर्कोदिन भिभिआईपीको गाडी पुगर फोटो खिचेर ल्याउने गरेर मिलेमतो गरि गाँजा खेतिलाई प्रोत्साहन गरिरहेको बताए । प्रहरी गाँजा, लागुऔषध, जुवातास नियन्त्रण गर्न जिम्मेवार नबनेको उनले बताए । लागु औषधको कुलतमा फसेका युवा युवतिहरु चोरीमा समेत संलग्न रहेको पाईएको तर प्रहरीले कारवाहि गर्न नचाहेको उनले बताए ।
कार्यक्रममा प्रश्न गर्ने अधिकांश नागरिकले लागु औषधको समस्या बढ्दै गएको र प्रहरीको निगरानी कम भएको बताए । केहिले ट्राफिक व्यवस्थापनलाई मजबुद बनाउनुपर्ने बताए । जेव्रा क्रसिङको व्यवस्थापन, ट्राफिक नियमको पालना गराउने लगाएतका काममा ध्यान दिन प्रहरीलाई आग्रह गरे । सोहि अवसरमा नवज्योति बहिरा विद्यालयका प्रधानाध्यापक तथा अपांगता क्षेत्रका अभियन्ता विजय लामाले यातायातमा अपांगता भएका व्यक्तिलाई दिइने ५० प्रतिशत छुटलाई व्यवस्थित गर्दै कार्यान्वयनमा ल्याउनुपर्ने र शारीरिक अपांगता भएका व्यक्तिका लागि प्रत्येक सवारी साधनमा सिटको व्यवस्था गर्नुपर्नेमा जोड दिए ।
लामाले सार्वजनिक सवारीमा लेखिएका केहि स्लोगनहरुले बालबालिका, महिला हिंसा तथा सामाजिक सद्भावमा असर गरिरहेको भन्दै त्यस्ता स्लोगनहरु सवारी साधनबाट हटाउनुपर्नेमा जोड दिए । सदरमुकामका सिसि क्यामेरालाई प्रभावकारी बनाउन समेत आग्रह गरेका थिए । नागरिकहरुले सेवा लिनका लागि नेताको पावर लगाउनुपर्ने अवस्थाको अन्त्य गर्नुपर्ने सुझाव दिएका छन भने मिटरव्याजीलाई कारवाहिको दायरामा ल्याउन समेत आग्रह गरेका छन । जिल्लाको शान्ती सुरक्षालाई चलाएमान बनाउन, कालोबजारी नियन्त्रण गर्न र चाडवाडमा कृतिम अभाव सृजना हुन नदिन समेत प्रहरी र प्रशासनलाई अनुरोध गरेका छन ।
कार्यक्रममा नागरिकका सवालको जवाफ दिंदै प्रमुख जिल्ला अधिकारी सुनिता नेपालले जनताको सहयोग विना प्रहरी सफल नहुने हुदा शान्ती सुरक्षा स्थापनामा नागरिकको साथ सहयोग आवश्यक छ । नेपालले अपांगता भएका व्यक्तिहरुले भाडामा ५० प्रतिशत छुट दिए नदिएको यातायातका टिकट काउन्टर र सवारी साधनमा निगरानी बढाउन ट्राफिक प्रहरीलाई निर्देशन गरेकी छिन । उनले लागु औषध नियन्त्रणमा अविभावक, विद्यालय समुदाय जिम्मेवार र सचेत भएर प्रहरीलाई सहयोग गर्नुपर्ने बताईन । उनले मिटरव्याजीहरुको मुद्दाहरु प्रशासनले निराकरण गरिरहेको बताईन ।
कार्यक्रमा नागरिकका प्रश्नको जवाफ दिंदै जिल्ला प्रहरी कार्यालय सिन्धुलीका एसपी राजकुमार सिलवालले मसिनो गरि गाडीहरु चेकजाँच गर्ने हो भने प्रत्येक गाडीमा लागु औषध भेटिने गरेको बताए । उनले थोरै गाँजा लिएर आउनेलाई मुद्दा चलाउने हो भने धान्न नसकिने बताउँदै सिलवालले लागुऔषध नियन्त्रणमा प्रहरी संवेदनशिल रहेको बताए ।
उनले नागरिकले निर्धक्क भएर सुरक्षित छु भन्ने अनुभूति गर्नुपर्नेमा प्रहरी संवेदनशिल रहेको बताउँदै सकेसम्म राम्रो गर्ने कोशिस गर्ने बताए । यस्तै जिल्ला प्रहरी कार्यालय सिन्धुलीका डिएसपी चिरञ्जीवि दाहालले बाईक चोरीका घटनामा कमी आएको बताए ।
