सिन्धुली । सिद्धवावा सञ्चार सहकारी तथा रेडियो सिद्धवावा एफएमको १२ औं साधारणसभा आइतबार सिन्धुलीमाढीमा सम्पन्न भएको छ । साधारणसभाको अवसरमा सिन्धुलीका क्रियाशिल पत्रकारहरु तथा विभिन्न विधाका प्रतियोगितामा पुरस्कृत हुने देखि रेडियोका असल श्रोता समेतलाई सम्मान गरिएको छ ।
सहकारी संस्थाका अध्यक्ष तथा रेडियोका अध्यक्ष दिपक कार्कीको अध्यक्षता तथा कमलामाई नगरपालिकाका प्रमुख उपेन्द्र कुमार पोखरेलको प्रमुख आतिथ्यतामा सम्पन्न कार्यक्रममा नेपाल पत्रकार महासंघका पूर्व अध्यक्ष तथा केन्द्रीय सदस्य द्वारिका काफ्ले, नेपाल पत्रकार महासंघका संस्थापक अध्यक्ष शेषराज दाहाल, पूर्व अध्यक्षहरु शंकर सौगात, राजकुमार कार्की, श्यामहरि अधिकारी, मिनकुमार दाहाललाई नगद तथा प्रमाणपत्र सहित सम्मान गरेको छ ।
यस्तै गोरखापत्र दैनिकका सिन्धुली सम्वाददाता बाबुराम देवकोटालाई सिद्धवावा सिर्जनशिल पत्रकारीता पुरस्कार प्रदान गरिएको छ ।
यसैगरि नागरिक समाज तथा रेडियोको असल श्रोता तथा सुझावकर्ताका रुपमा समाजसेवी कनपा ६ का विष्णुकुमार श्रेष्ठ र कनपा ४ का भिम प्रकाश श्रेष्ठलाई सम्मान गरिएको छ ।
साधारणसभाको अवसरमा एसईई २०७९ मा सिन्धुली जिल्लाबाट उत्कृष्ट नतिजा ल्याउने तीन जना छात्रछात्रालाई समेत सम्मान गरिएको छ । सम्मानित हुनेमा भगवति माविका रोशन श्रेष्ठ, अनुष्का श्रेष्ठ र पूर्णिमा बराललाई सम्मान गरिएको हो ।
यस्तै कार्यक्रममा ५९ औं बाल दिवस २०८० को अवसरमा रेडियो सिद्धवावाले आयोजना गरेको जिल्ला स्तरीय खुल्ला कविता प्रतियोगितामा प्रथम, द्वितिय, तृृतिय र सान्तोना हुने विद्यार्थीहरुलाई सम्मान गरिएको छ । प्रथम हुने सिन्धुली एकेडेमीकी प्रास्ना अधिकारी, द्वितिय हुने भगवति मावि सिन्धुलीमाढीकी तितिक्षा काफ्ले, तृतिय हुने सिद्धस्थली माविको दिवस थापा र सान्त्वना हुने भगवति माविकी नुना गजुरेललाई पुरस्कृत गरिएको छ । यस्तै बाल दिवसकै अवसरमा गरिएको हस्तलेखन प्रतियोगितामा प्रथम हुने सूर्योदय माविका स्वेता बुढाथोकी, द्वितिय हुने सिन्धुली एकेडेमीका निसान्त कुमर तृतिय हुने सूर्योदय माविका निकुञ्ज थापा र सान्तोना हुने जनजागृति मावि भिमानका प्रनिशा काफ्ले रहेका छन ।
यस्तै तीज विशेष टिकटक प्रतियोगितामा प्रथम हुने गंगा बज्यू लगाएत अन्य प्रतियोगिलाई समेत साधारणसभाको अवसरमा सम्मान गरिएको छ । कार्यक्रममा नेपाल रेडक्रस सोसाईटीका सभापति अशोक श्रेष्ठलाई मानवीय सेवामा क्रियाशिल रहेको भन्दै कदरपत्र प्रदान गरिएको छ ।
साधारणसभाको अवसरमा सिद्धवावा सहकारीले नेपाल रेडक्रस सोसाईटीको निःशुल्क रक्तmसञ्चार सेवाका लागि सञ्चालन गरेको एक करोड अभियानका लागि ५१ हजार रुपैंया सहयोग गरेको छ भने दमकल खरिदका लागि कमलामाई नगरपालिकालाई १ लाख १ हजार ११ रुपैंया सहयोग गरेको छ । कार्यक्रममा जिल्लाका नौ वटै स्थानीय तहलाई सञ्चार अभियानमा सहयोग गरेको भन्दै सम्मान समेत गरिएको छ ।
कार्यक्रममा जिल्ला समन्वय समितिका उपप्रमुख शान्ता कार्की, कमलामाई नगरपालिकाका प्रमुख उपेन्द्र कुमार पोखरेल, मरिण गाउँपालिका अध्यक्ष विमर्श मोक्तान, घ्याङलेख गाउँपालिका उपाध्यक्ष शंकरमान घलान, नेपाल पत्रकार महासंघ सिन्धुलीका अध्यक्ष कृष्णहरि घिमिरे, नेपाल रेडक्रस सोसाईटी सिन्धुलीका सभापति अशोक श्रेष्ठ, सिन्धुली उद्योग वाणिज्य संघ सिन्धुलीका अध्यक्ष अर्जुन कुमार श्रेष्ठले मन्तव्य मन्तव्य व्यक्त गरेका थिए । कार्यक्रममा सहकारीका उपाध्यक्ष भिष्मराज श्रेष्ठले स्वागत गरेका थिए भने रेडियो सिद्धवावाका प्रवन्धक टिकाजंग थापाले कार्यक्रमको सहजीकरण गरेका थिए ।
