सिन्धुली । ११३ औं अन्तराष्ट्रिय श्रमिक महिला दिवसका अवसरमा बुधबार सम्मान तथा पुरस्कार वितरण कार्यक्रम गरेको छ ।
अखिल महिला संघ सिन्धुलीले आठ मार्चको अवसरमा गराएको राजनीतिमा महिला सहभागीता अवसर र चुनौती बिषयक जिल्लाव्यापी मावि स्तरीय निवन्ध लेखन प्रतियोगितामा प्रथम, द्वितिय, तृतिय र सान्त्वना स्थान हासिल गर्ने विद्यार्थीलाई पुरस्कार वितरण गरेको हो ।
प्रतियोगितामा खयरसाल मावि मरिणका शेर बहादुर कार्की प्रथम, मावि सुम्नाम सुन्तलेकी भवानी न्यौपाने द्वितिय, कमला मावि करकरेकी धन कुमारी नेपाली तृतिय र फिक्कल मावि सोल्पाकी रचना श्रेष्ठ सान्त्वना भएका थिए । उनीहरुलाई नगद पुरस्कार, सम्मानपत्र सहित पुरस्कृत गरिएको हो ।
यस्तै संघले अग्रज महिला नेता पद्मम कुमारी घिमिरे र ललिमाया पुलामीलाई दिवसका अवसरमा सम्मान गरेको छ ।
अनेमसंघका जिल्ला अध्यक्ष पार्वती भट्टराईको अध्यक्षता तथा अनेमसंघका केन्द्रीय सचिवालय सदस्य रस्मिला देवकोटाको प्रमुख आतिथ्यता, नेकपा एमालेका केन्द्रीय सदस्य तथा जिल्ला सहइन्चार्ज उमा कोइरालाको विशेष आतिथ्यतामा कार्यक्रम सम्पन्न भएको थियो ।
