सिन्धुली । जिल्ला प्रहरी कार्यालय सिन्धुलीमा नयाँ एसपी आएसँगै लागु औषध ओसारपसारलाई नियन्त्रण गर्न प्रहरीले एक्सन लिएको छ । जिल्लामा प्रहरी प्रमुखका रुपमा एसपी राजकुमार सिलवाल आएपछि लागु औषध ओसार पसार तथा प्रयोगका ४ वटा घटनामा प्रहरीले अनुसन्धान थालेको छ ।
लागु औषध ओसारपसारमा संलग्न पाँच जनालाई प्रहरीले पक्राउ गरेको छ । उनीहरुलाई लागु औषध सहित पक्राउ गरि अनुसन्धान गरिरहेको जिल्ला प्रहरी कार्यालय सिन्धुलीले जनाएको छ । सबैलाई पक्राउ परेको मितिदेखि नै जिल्ला अदालत सिन्धुलीबाट सातदिनको म्याद थप गरि अनुसन्धान थालिएको जिल्ला प्रहरी कार्यालय सिन्धुलीले जनाएको छ ।
पुस ११ गतेदेखि १९ गतेसम्म छुट्टाछुट्टै चार घटनामा उनीहरुलाई पक्राउ गरिएको जिल्ला प्रहरी कार्यालय सिन्धुलीले प्रेस विज्ञप्ती जारी गरि जनाएको छ ।
विपी राजमार्ग हुदै हरिवन जाँदै गरेको वाग्मति एएए ६८०९ नम्बरको मोटरसाईकललाई खुर्कोटमा चेकजाँच गर्ने क्रममा मोटरसाईकलमा सवार रहेका सर्लाहिको हरिवन १० का ३३ वर्षिय पूर्ण बहादुर घिमिरेलाई लागु औषध सहित पक्राउ गरेको छ । उनलाई पुस ११ गते फान्टाको बोतलमा लागु पदार्थ जस्तो देखिने झोल सहित पक्राउ गरिएको प्रहरीले जनाएको छ । मोटरसाईकल प्रहरीको नियन्त्रणमा रहेको र मोटरसाईकल चालक फरार रहेको प्रहरीले जनाएको छ ।
प्रहरीले पुस १७ गते सिन्धुली बसपार्कबाट रामेछाप खाँडादेवी घर भई हाल कमलामाई नगरपालिका ४ ढुंग्रेवास बस्ने बद्री नेपालीलाई गाँजा सहित पक्राउ गरेको छ । ज६प१४ नम्बरको मोटरसाइकलमा सवार उनलाई ७८ ग्राम २ सय मिलीग्राम गाँजा सहित पक्राउ गरेको हो । उनको मोटरसाईकल समेत प्रहरीले नियन्त्रणमा लिएको छ । सोहि दिन सुनकोशी गाउँपालिका ६ कानढुंग्रेमा प्रहरीले टोलीले चेकजाँच गर्दा लागु औषध सहित दुई जना पक्राउ परेका छन ।
धनुषाबाट काठमान्डौतर्फ जाँदै गरेको ३–०२–०११प८८८६ नम्बरको मोटरसाईकल चेकजाँच गर्दा मोटरसाईकल सवार मिथिला नगरपालिका ९ धनुषाका श्रवण शाहको ज्याकेटबाट लागु औषध बरामद गरेको हो । उनको साथबाट कोडिन फस्फेट नामको लागु औषध ४ सय एमएल र निट्रा भेट ३ पत्ता जम्मा ४४ ट्यावलेट र क्उबकmय(उचयहथखयल उगिक १४ ट्यावलेट फेला पारेको जिल्ला प्रहरी कार्यालय सिन्धुलीले जारी गरेको प्रेस विज्ञप्तीमा जनाएको छ । प्रहरीले मोटरसाईकल सहित दुवै जनालाई नियन्त्रणमा लिई अनुसन्धान थालेको छ ।
यस्तै भिमान चेकपोष्टबाट लागु औषध सहित एकजना पक्राउ परेका छन । पुस १८ गते वर्दिवास नगरपालिका ४ महोत्तरी बस्ने जय कुमार कार्कीलाई प्रहरीले नियन्त्रणमा लिएको हो । उनलाई चेकजाँचका क्रममा खैरो रङको झोलामा रहेको नेट्राजेपम २९१ ट्यावलेट सहित पक्राउ गरिएको हो । गौशाला नपा १२ महोत्तरीका कैलाश कुमार वि.कले चलाएको ना१ज६८१५ नम्बरको सुमोमा चेकजाँच गर्दा उक्त लागु औषध फेला परेको डिएसपी हरिकृष्ण केहिले प्रेस विज्ञप्तीमार्फत जनाएका छन ।पछिल्लो समय तीनवटा राजमार्गहरु विपी राजमार्ग, मदनभण्डारी राजमार्ग र मध्यपहाडी राजमार्गसँग जोडिएसँगै सिन्धुली लागु औषध ओसारपसारको केन्द्र बन्दै गएको छ ।
नयाँ एसपीको ध्यान गाँजा फडानीमा
सिन्धुलीमा प्रायः नयाँ प्रहरी प्रमुखको आगमन लागु औषध गाँजाको फँडानीका बेला हुने गर्छ । जो आए पनि पहिलो एक्सन गाँजा फँडानीमा देखिन्छ । केहि समय वितेपछि गाँजाको चर्चा पनि छुट्छ र प्रायः प्रहरी प्रमुख विवादमा तानिन्छन । यसपटक पनि एपी सिलवालको एक्सन गाँजा केन्द्रीत देखिएको छ ।
उनले जिल्ला आउनासाथ गाँजा फडानी सुरु गरेका छन । उनले मरिण गाउँपालिका र हरिहरपुरगढी गाउँपालिकाको गाँजा फँडानी गर्न थालेका हुन । सोमबारदेखि गाँजा फँडानी सुरु भएको छ । प्रहरीले जारी गरेको विज्ञप्तीमा उल्लेख गरे अनुसार प्रहरीले सोमबार मरिण १ आलेडाँडामा ६ कठ्ठामा गरिएको गाँजा खेति फाँडेर नष्ट गरेको छ र गाँजा फडानीलाई प्रहरीले निरन्तरता दिने छ ।
मरिण गाउँपालिका र हरिहरपुरगढी गाउँपालिका गाँजा खेतिका लागि चर्चित छ । चुरेको घना जंगलमा खेति गर्ने गाँजा कसले गरेको हो ? कसरी खेति हुन्छ धेरैलाई थाहा नहुने भए पनि गाँजा प्रयोग गर्ने बेलामा नष्ट गर्ने चर्चा प्रहरीले चलाउँदै आएको छ ।
