सिन्धुली । सिन्धुलीका निजामती कर्मचारीहरुले आइतबार छात्तीमा प्लेकार्ड टाँसेर काम गरेका छन । असार १५ गते राज्य ब्यवस्था तथा सुशासन समितिबाट पारित निजामती विधेयकप्रति असहमति जनाउँदै उनीहरुले प्लेकार्ड सहित कार्यालयमा काम गरेका हुन ।
कर्मचारीहरूले पूर्व निर्धारित बिरोधका कार्यक्रम अनुरूप विरोधको उक्त शैली अपनाएका हुन । उनीहरुले उक्त विद्येयकलाई ‘अलोकतान्त्रिक तथा बिभेदकारी’ भनेका छन ।
कर्मचारीले आइतबार टाँसेको प्लेकार्डमा ‘अलोकतान्त्रिक तथा बिभेदकारी संघिय निजामती सेवा ऐनको विधेयकप्रति मेरो पुर्ण असहमति छ’ लेखिएको थियो ।
आन्दोलनका विषयमा कर्मचारी संघ संगठन, सुब्बा बचाऊँ अभियान र आधिकारीक ट्रेड यूनियनबीच छलफल चलिरहेको कर्मचारी संगठन सिन्धुलीका नेता पुरूषोतम दाहालले बताए । छलफल पछि कर्मचारीका थप आन्दोलनका कार्यक्रम तय हुने छन ।
फेसबुक मार्फत प्रतिकिया दिनुहोला
Advertisement. Scroll to continue reading.
