सिन्धुली । घ्याङलेख गाउँपालिकाले विपदमा परेकालाई आर्थिक सहयोग गरेको छ । अग्नीपीडित एकजना र हावाहुरीका कारण पीडित बनेका एकजना गरि २ जनालाई गाउँपालिकाले आर्थिक सहयोग गरेको हो ।
गाउँपालिकाले चैत महिनामा घरमा आगलागी भई क्षति पुगेका घ्याङ्लेख गाउँपालिका वडा नं. १ छरछरेका आइतमान बम्जनलाई ३० हजार रुपियाँ आर्थिक राहत प्रदान गरेको छ ।
यस्तै हावाहुरी पीडित बुद्धिबहादुर कामीलाई पनि गाउँपालिकाले पाँच हजार रुपियाँ आर्थिक सहयोग गरेको छ । जेठ १४ गते बेलुका ५ बजे आएको हुरीले कामीको घरको जस्तापाता उडाएको थियो ।
Advertisement. Scroll to continue reading.
घ्याङ्लेख गाउँपालिका अध्यक्ष जगतबहादुर भोलनले बुधबार दुवै जनालाई राहत स्वरुप नगद हस्तान्तरण गरेका छन ।
फेसबुक मार्फत प्रतिकिया दिनुहोला
