सिन्धुली । कमलामाई नगरपालिकाले जिल्ला बाहिरबाट तरकारी तथा फलफूल आयात नगर्न सबै व्यवसायीलाई अनुरोध गरेको छ । लिखित सार्वजनिक अनुरोध जारी गर्दै नगरपालिकाले रोकको संक्रमण बढ्न सक्ने भएकाले जिल्ला बाहिरबाट तरकारी तथा फलपूmल खरिद नगर्न र स्थानीय उत्पादनलाई प्रोत्साहन गर्न व्यवसायीहरुलाई अनुरोध गरेको हो ।
कमलामाई नगरपालिकाका प्रमुख खड्ग खत्रीले जारी गरेको उक्त वक्तव्यमा उचित मुल्यमा तरकारी फलफूल तथा खाद्यान्न विक्री वितरण गर्न, मुल्य सूचि टाँसेर राखी सोहि अनुरुप बेच्न, म्याद नाघेका सामान विक्री वितरण नगर्न र फलफूल तथा तरकारीको ग्रेडिङ गरेर विक्री वितरण गर्न अनुरोध गरिएको छ ।
कमलामाई नगरपालिकाले नगर उपप्रमुख मञ्जु देवकोटा, स्थानीय जनप्रतिनिधिहरु, स्थानीय प्रशासन, प्रहरी उद्योग वाणिज्य संघका प्रतिनिधि, पत्रकार लगाएतको उपस्थितिमा चैत २७ र २८ गते गरेको बजारको अनुगमनपछि नगरपालिकाले व्यवासायीहरुलाई व्यवसाय सुधारका लागि उक्त अनुरोध गरेको जनाएको छ ।
उक्त अनुरोधमा नगरपालिकाले गरेको अनुरोध नमानी अखाद्य पदार्थ विक्री वितरण गरेको तथा बढी मुल्यमा सामान विक्री गरेको पाईएमा कारवाहि गरिने समेत चेतावनी दिएको छ ।
अनुगमनमा नगरपालिकाले बढी मुल्यमा सामान विक्री गरेको, म्याद गुज्रिएका खाद्य पदार्थ र कुहिएका फलफूल, तरकारी विक्री वितरण गरेको पाईएको जनाएको थियो ।
