सिन्धुली । सिन्धुलीमाढीमा संचालित मासुपसलबाट विक्रि वितरण भएको मासुहरु खानको लागी योग्य नभएको अनुगमन समितिले ठहर गरेको छ । सिन्धुली सदरमुकाममा रहेका मासुपसलहरुको अनुगमनका क्रममा बध स्थालहरु र विक्रि वितरण गर्ने स्थान दुषित रहेको अनुगमन समितिले जनाएको छ । कमलामाई नगरपालिकाको अगुवाईमा भएको अनुगमनमा अधिकाशं मासु पसलहरुको सरसफाई मानव स्वास्थ्यका लागी प्रतिकुल हुने खालको रहेको कमलामाई नगरपालिकाका आन्तरिक लेखा परिक्षक शुशिल बर्माले बताए ।
कमलामाई नगरपालिका, उद्योग बाणिज्य संघ, खाद्य तथा गुणनियन्त्रण कार्यालय, पशु चिकित्सक, उपभोत्ता मंच, पत्रकार महासंघ लगायतको संयुक्त टोलिले गरेको अनुगमनमा यस्तो भेटिएको बर्माले बताए ।
बधशाला दुषित र मासु विक्रि गर्ने स्थानपनि फोहोर र वरीपरीको वातावरण पनि दुषित पाईएको तथा खुल्ला स्थानमा मासु माछा विक्रि वितरण गरेको पाईएको उनले बताए । अनुगमन समितिले जिल्लाका डेरी उद्योगहरुको समेत अनुगमन गरेको उनले बताए ।
पाउरोटी उद्योगको अनुगमन
सिन्धुलीमाढीको दुई नम्वर बजारमा रहेको खुश्वु पाउरोटी उद्योगमा समेत टोलिले अनुगमन गरेको छ । अनुगमनका क्रममा त्यस उद्योगबाट उत्पादित बस्तु खानका लागी योग्य नभएको खाद्य तथा गुण नियन्त्रण कार्यालय सिन्धुलीका प्रमुख प्रेम अर्यालले बताए ।
उक्त उद्योगमा प्रयोग भएको सामग्री र बनाउने भाडाकुडा तथा भण्डारण स्थल फोहोर रहेको उनले बताए । उक्त उद्योगलाई सरसफाई तथा गुणस्तरमा सुधार नगरे खाद्य अनुग्या पत्र नविकरण नगर्ने समेत उनले बताए ।
डेरी उद्योगको अवलोकन
अनुगमन टोलिले माढी बजारमा रहेका डेरी उद्योगहरुको समेत अवलोधन गरेको छ । अनुगमनका क्रममा डेरी उद्योगहरुले लेवलीङ विनाका समाग्रीहरु विक्रि वितरण गरेकाले उनीहरुलाई तत्काल लेबल सहितको समाग्री विक्रि वितरण गर्न केही समय दिएको र त्यस पछि नभएरमा कानुनी कारवाही अगाडी बढाउने पनि उनले बताए ।
