सिन्धुली । जंगली हात्तिको आक्रमणबाट मृत्यु भएकी महिलाको परिवारलाई जिल्ला डिभिजन वन कार्यालय सिन्धुलीले १० लाख राहत उपलब्ध गराएको छ ।
बुधबार जिल्ला विपद व्यवस्थापन समितिको बैठकमा जेठ ३० गते कनपा ८ को पातीपरानमा हात्तिको आक्रमणबाट मृत्यु भएकी सितामाया राना मगरका श्रीमानलाई राहत वितरण गरिएको हो ।
मृतकका श्रीमान विरबहादुर मगरलाई प्रदेशसभा सदस्य राजन दाहाल र प्रदीप कटुवालले १० लाख रुपैंयाको चेक संयुक्त रुपमा हस्तान्तरण गरेका हुन ।
सितामायालाई बजारबाट घर जाँदै गर्दा जंगलमा हात्तिले आक्रमण गरेको थियो । अहिले पनि ५ वटा हात्ति त्यस क्षेत्रमा रहेको डिभिजन बन कार्यालय सिन्धुलीले जनाएको छ ।
Advertisement. Scroll to continue reading.
फेसबुक मार्फत प्रतिकिया दिनुहोला
