फिक्कल गाउँपालिका , प्रभु बैक र सिद्धार्थ बैक विच युवा उद्यमीलाई ऋण दिने सम्झौता
सिन्धुली, । जिल्लाको फिक्कल गाउँपालिका र प्रभु बैक,सिद्धार्थ बैक विच गाउँपालिकाका ३ सय युवालाई सहुलियत कर्जा प्रवाह गर्ने बिषयमा सम्झौता पत्रमा हस्ताक्षर भएको छ ।
गाउँपालिका भित्रका ३ सय वेरोजगार युवाहरुलाई लक्षितगर्दै उद्यमशिलता कार्यक्रम अन्र्तगत सहुलियत कर्जा प्रवाह गर्न सिन्धुलीका २ बैंक र गाउँपालिका बीच आज संझौतापत्रमा हस्ताक्षर भएको छ ।
शुक्रवार आयोजित एक कार्यक्रमका बीच प्रभु बैक सिन्धुली शाखाकी मेनेजन राधिका बुढाथोकी, सिद्धार्थ बैक गोलञ्जोर शाखाका मेनेजर हेमकुमार श्रेष्ठ र गाउँपालिका अध्यक्ष पार्वती सुनुवारबीच सहुलियत कर्जा प्रबाहका लागि समझदारी पत्रमा हस्ताक्षर भएको हो । पालिकामा आगामी ५ वर्षसम्मका लागि यो संझौता कायम रहने प्रमुख प्रशासकिय अधिकृत शिवहरी दाहालले बताए ।
यस सम्झौता पछि पालिकाको सिफारिमा साना कृषकले गरेका व्यावसाय, लगानी र धितोको आधारमा सौलियत ब्याजदरमा बैकले ऋण उपलव्ध गराउने छ । फिक्कल गाउँपालिका क्षेत्रका कृषि तथा पशुपन्छीजन्य क्षेत्रको व्यवसाय प्रवद्र्धन गरी उत्पादन एवं रोजगारी अभिवृद्धि गर्न शिक्षित बेरोजगार महिला तथा युवाहरुलाई मुलुकभित्र रोजगारीका अवसरहरु सिर्जना गर्न, विदेशवाट फर्केका युवाहरुको विदेशमा आर्जन गरेको सीप र व्यवसायिक दक्षता उपयोग गर्दै उनीहरुलाई स्वरोजगार वनाउन उद्देश्यले यस्तो सम्झौता गरिएको पालिका अध्यक्ष पार्वति सुनुवारले बताईन ।
विशेष गरी महिला उद्यमशील क्षमताको विकास गर्न, दलित समुदायको परम्परागत सीप र पेशालाई आधुनिकिकरण एवं प्रवर्धन गरी उद्यमशिलता विकास गर्न वित्तिय पहुँच विस्तार गर्दै सुखि नेपाली, सम्बृद्ध नेपाल बनाउने अभियानलाई सार्थक बनाउने अभियान अन्र्तगत यो कार्यलाई अगाडी बढाएको बताईन ।
कार्यक्रममा बोल्दै हेफर प्रोजेक्टक नेपालका कार्यक्रम अधिकृत ठाकुर खड्काले यस सम्झौताले विशेषगरी विदेश गएर फर्केकाहरु र सिप र जागर भएका युवालाईलाई गाउँमा नै व्यावसायगर्न सहयोग पुग्ने विश्वास व्यक्त गरे ।
कार्यक्रममा बैकका प्रतिनिधीहरु र पालिकाका प्रमुख प्रशासकिय अधिकृत शिवहरी दाहाल, वडा नं. ६ का वडा अध्यक्ष कुलेन्द्र मगर, वडा नम्वर ४ का वडा अध्यक्ष मोहन मगर र वडा नम्वर ३ का टेकवहादुर मगर लगायले कार्यक्रममा मन्तव्य राखेका थिए ।
यस सम्झौता कार्यान्वयका लागी फिक्कल गाउँपालिका तथा हेफर ईन्टरनेशनल नेपालको आर्थिक सहयोगमा सामुुहिक सरोकार समाज सिन्धुुलीद्घारा संचालित साझेदारीमा कृषि तथा पशुपालन उद्यमशिलता विकास कार्यक्रमको सहयोग र सहजिकरणमा गठन भएको विभिन्न समुह तथा सहकारीहरुका कृषि तथा पशु उद्यमी सदस्यहरुका लागि वडा कार्यालयबाट सिफारिस भई आएका व्यक्तिहरुलाई सहुलियत कर्जाका लागि गाउँपालिकाबाट सिफारिस गर्नु पर्ने छ ।
कर्जाको लागि उद्यमी तयार गर्न उनीहरुलाई सिपमुलक तालिम तथा उद्यम विकासका सेवाहरु आवस्यकता र औचित्यताको आधारमा स्वयम गाउँपालिकाले प्रदान गर्न सक्नेछ र आवश्यकता अनुसार अन्य विशिष्ट सेवाहरुका लागि तेस्रो तटस्थ पक्ष (विज्ञहरु) संग समन्वय गरि गाउँ/नगरपालिकाले सहयोग लिन सक्नेछ ।
प्रभु वैंक तथा सिद्धार्थ बैकले नेपाल राष्ट्र वैंकको सहुलियतपूणर् कर्जाका लागि ब्याज अनुदान सम्बन्धी एकिकृत कार्यविधि, २०७५ (संशोधन समेत) अनुसार तथा यस कार्यविधिमा भएका पहिलो, दोश्रो र तेश्रो संशोधित कार्यविधिहरु बमोजिम फिक्कल गाउँपालिकाको सिफारिसमा कृषि तथा पशु उद्यमीहरुलाई कर्जा लगानी गर्ने सम्झौता पत्रमा उल्लेख गरिएको छ ।
