सिन्धुली । नेपाल स्वास्थ्यका लागि पानी (नेवा) बाग्मति प्रदेश कार्यालय सिन्धुलीले सिन्धुलीको कोभिड १९ अस्पताललाई कोभिड सुरक्षा सामग्री सहयोग गरेको छ । बुधबार कोभिड अस्पतालमा पुगेर उक्त सामग्री हस्तान्तरण गरिएको नेवाले जनाएको छ ।
कोभिड बिरुद्धको सुरक्षा अभियानमा सहयोग पुगोस भन्ने अभिप्रायले अस्पताललाई मेडिकल मास्क ५० प्याकेट (२५०० थान), ५०० एम.एल.को स्यानिटाईजर १ बोतल, ७५० एम.एल.को डेटोल लिक्विड साबुन ४ पाउँच, २०० एम.एल.को डेटोल लिक्विड साबुन २ बोतल, ५ लिटरको स्यानिटाईजर ६ ग्यालेन, पल्स अक्सिमिटर ३० थान, डिजिटल थर्मोमिटर ३० थान, फेस सिल्ड १०० थान, पिपिई सेट ६० थान, कन्ट्याक्टलेस स्यानिटाईजर स्टेशन १ थान र कन्ट्याक्टलेस ह्याण्ड वासिङ्ग स्टेशन २ थान हस्तान्तरण गरिएको नेवा वाग्मति प्रदेशका प्रशासन अधिकृत रवि किरण रायमाझीले बताए ।
उनका अनुसार उक्त सामग्रीहरु नेवा बागमती प्रदेश कार्यालयका प्रबन्धक दिनेश उप्रेतीले अस्पताल व्यवस्थापन समितीका अध्यक्ष प्रह्लाद पोख्रेल र जिल्ला कोभिड अस्पताल सिन्धुलीका मेडिकल सुप्रिन्टेन्डेन्ट डा. उमेश प्रधानलाई हस्तान्तरण गरेका छन ।
