सिन्धुली । कमलामाई नगरपालिकाले कोरोनाबाट मृत्यु भएका व्यक्तिका परिवारलाई पन्ध्र हजार काजकिरिया खर्च दिने भएको छ । नगरपालिकामा बसोबास गरेका र कोरोना संक्रमणबाट मृत्यु भएका परिवारलाई काजकिरिया खर्च दिने नगरपालिकाले निर्णय गरेको हो ।
नगरपालिकाका सूचना अधिकारी निर्मल लामाका अनुसार नगर कार्यपालिकाको जेठ १९ गते बसेको ९१ औं बैठकले मृतकका परिवारलाई राहत स्वरुप उक्त रकम दिने निर्णय गरेको हो ।
जसका लागि नगरपालिकाले प्रक्रिया अगाडि बढाएको छ । सोहि अनुसार नगरपालिकाले सूचना जारी गरि काजकिरिया खर्च लिनका लागि प्रक्रिया अगाडि बढाएको हो ।
लामाले काजकिरिया खर्च लिनका लागि मृतकका परिवारले वडा कार्यालयमा निवेदन दिनुपर्ने बताए । उनले मृतकका परिवारका नजिकका आफन्तले पिसिआर रिपोर्ट, नागरिकताको प्रतिलिपी, नाता खुल्ने कागजात र मृत्यु भएको प्रमाणपत्र सहित निवेदन दिनुपर्ने बताए ।
कोरोनाको दोस्रो भेरियन्टका कारण कमलामाई नगरपालिका भित्र १४ जनाको मृत्यु भएको छ । कमलामाई नगरपालिकाभित्र ४ सय २३ जना संक्रमित रहेका छन । ती मध्ये ३ सय ६५ जनाले होम आइसोलेसनमा उपचार गराई रहेका छन । यस्तै ४५ जना उपचारपछि निको भएका छन भने १४ जना होम आइसोलेसनमा उपचाररत रहेका छन ।
