सिन्धुली । सिन्धुलीमा बुधबार दिउँसो बस दुर्घटना भएको छ । सिन्धुलीको मरिणदेखि काठमान्डौतर्फ जाँदै गरेको वा३ख९६८४ नं. को बर सुनकोशी गाउँपालिका वडा नं. ६ कानढुंग्रेमा दुर्घटना हुदा २३ जना घाइते भएका छन । बस आफै अनियन्त्रित भई विपी राजमार्गबाट २० मिटर तल सुनकोशी नदीको किनारमा खसेको जिल्ला प्रहरी कार्यालय सिन्धुलीले जनाएको छ ।
घाइतेमध्ये १६ जनाको गोलञ्जोर गाउँपालिकाको खुर्कोटमा रहेको शुभजीवन अस्पतालमा उपचार भईरहेको छ भने अन्यको सुनकोशी अस्पताल खुर्कोटमा उपचार भईरहेको सिन्धुलीमा प्रहरी प्रमुख चक्र बहादुर सिंहले बताए ।
सिंहका अनुसार घाइते मध्ये अवस्था गम्भिर रहेका ५ जनालाई थप उपचारका लागि काठमान्डौ पठाईएको छ । सिन्धुलीको मरिण गाउँपालीका ६ बस्ने ३२ बर्षिय बसन्त कुमार माझी, २५ बर्षिया रुपा माझी, रुपाको छोरा ४ बर्षिय सुलभ माझी, ४० बर्षिया सुनमाया श्रेष्ठ, ४८ बर्षिया असली माया वाईबालाई थप उपचारका लागि धुलिखेल अस्पताल रिफर गरिएको छ ।
