सिन्धुली । फिक्कल गाउँपालिका–४ छत्रेवरमा आगलागी हुँदा घरगोठसँगै चौपाया र नगद जलेको छ । निर्मल बहादुर मगरको गोठमा सल्केको आगोले घर र गोठ जल्नुका साथै घरमा रहेका अन्नपात, लत्ताकपडा, भाँडाकुडाका साथै ९ वटा खसी बाख्रा र नगद समेत जलेको छ ।
स्थानीय नवराज पहाडीका अनुसार मगरको गोठमा रहेका ९ वटा खसी बाख्रा लगायतको चौपाया जलेर मरेका छन । आगो निभाउने क्रममा घरधनी निर्मल मगर स्वयम् घाइते भएका छन् ।
Advertisement. Scroll to continue reading.
उनको स्थानीय स्वास्थ्य संस्थामा उपचार भइरहेको छ । आगलागीबाट करिब साढे पाँच लाख रुपैयाँ बराबरको क्षति भएको पहाडीले बताए । यो सँगै सिन्धुलीमा यस वर्ष मात्र १९ वटा घरगोठ आगलागीबाट जलेका छन् ।
फेसबुक मार्फत प्रतिकिया दिनुहोला
