सिन्धुली । नेपाल सरकार संघिय सरकार मातहत रहेको वागमति प्रदेशको एक मात्रा कृषि बजार व्यवस्थापन समितिले संचालन गरेको कृषि बजारका २५ वटा सटरहरु भाडामा लाग्न सकेका छैनन ।
सरकारले कृषि बजारमा व्यावसाय गर्नको लागी निश्चित मापदण्ड बनाएकाले जस्तो पनि व्यापार गर्ने व्यावसायीलाई दिन नमिल्ले भएकाले सटरहरु खाली रहेको बजार व्यवस्थापक नवराज खड्काले बताए । कृषि बजार व्यवस्थापन समिति मातहत रहेका ६० वटा सटरहरु मध्ये ३५वटा हाल भाडामा लागि रहेको उनले बताए । खालि रहेका सटरहरुमा धेरै जसो माथिल्लो तलामा रहेका सटरहरु र गोदामहरु रहेको खड्काले बताए ।
विशेष गरी कृषकले उत्पादन गरेको प्रशोधन विनाको कृषि उपजहरु विक्रि वितरण गर्न पाउने व्यवस्था छ, अहिले बजारमा भएका तरकारी बजार तथा कृषि जन्य वस्तुहरु विक्रि वितरण गर्ने पसलहरुमा माथिल्लो तलामा गोदाम तथा व्यावसाय गर्नको लागी व्यावसायीले नरुचाएका कारण २५ वटा सटर खाली रहेको व्यवस्थापक खडकाले बताए ।
कृषि उपज बजारमा दैनिक रुपमा ५ देखि ७ सयको संख्यामा मानिसहरु कारोवार गर्न आउने भएपनि माथिल्लो तलामा अहिले सम्म व्यावसाय गर्नको लागी ईच्छाएको व्यक्तिहरु आएका छैनन, खड्काले भने । कृषि उपज बजारमा दैनिक रुपमा ठुलो संख्यामा उपभोत्ताहरु आउने भएपनि सोचे अनुसारको कारोवार गर्न भने व्यावसायीहरु नआएको उनले बताए ।
कृषि उपज बजारमा विशेषगरी तरकारी,फलफूल, मासु पसल, डेरी पसल, मेटफर्माहरु लगायतका व्यवासायहरु बढी मात्रामा रहेको खड्काले बताए । कृषि बजारमा यसका अतिरिक्त केही चिया पसल , अधिलो भागमा किराना पसलहरु समेत रहेको खड्काले बताए । यो कृषि बजार नेपाल सरकारको मातहतमा रहेको वागमति प्रदेशको एक मात्र बजार भएकाले यो उनले बताए ।
