सिन्धुली । नेकपा एमाले विभाजन लक्षित गरि ल्याईएको अध्यादेश मार्फत नेकपा एमाले फुटाई नेकपा एकीकृत समाजवादी बनेपछि जनप्रतिनिधिलाई पार्टी रोज्न दिइएको समयसिमा मंगलबार सकिएको छ । जिल्लामा एमालेबाट निर्वाचित जनप्रतिनिधिमध्ये १ जना वडा सदस्यले मात्र नेकपा एकीकृत समाजवादी रोजेका छन भने अन्य सबै जनप्रतिनिधि नेकपा एमालेमै रहेका छन ।
कमलामाई नगरपालिका वडा नं. ८ का सदस्य विष्णु वुर्जा मगरले नेकपा एस रोजेका हुन । एमालेबाट निर्वाचित अन्य जनप्रतिनिधीहरु सनाखतको लागी नआएको जिल्ला निर्वाचन अधिकृत खिलवहादुर दर्लामीले बताएका छन ।
एमाले विभाजन गरि समाजवादी गठन हुदा कमलामाई नगरपालिकाका मेयर खड्ग खत्री सहित १ जना वडा अध्यक्ष एकीकृत समाजवादीका विभिन्न कार्यक्रममा सहभागि भएका भए पनि दल रोज्ने समय सिमा सकिन लाग्दा समाजवादी छोडेर एमालेमै रहेका छन ।
नेकपा एसका केहि व्यक्तिको दवावमा नेकपा (एस) को पक्षमा निर्वाचन कार्यालयमा सनाखत गर्न पुगेका फिक्कल गाउँपालिका कार्यपालिका सदस्य खड्ग बहादुर सुनुवारले भने मंगलबार साँझ सनाखत फिर्ता लिएका छन । उनले एमालेमै बस्ने भन्दै सनाखत फिर्ता लिने निवेदन दिएका हुन ।
जिल्लामा एमालेबाट निर्वाचित प्रतिनिधिसभा सदस्य गणेश कुमार पहाडी, गोमा देवकोटा, प्रदेश सभा सदस्य प्रदीप कटुवाल, विनोद खड्का, ३३ जना वडा अध्यक्ष, ४ जना उपप्रमुख, ३ जना प्रमुख लगाएत सबै जनप्रतिनिधिहरु नेकपा एमालेमै रहेका छन । एकजना वडाध्यक्ष केहि दिन अघि माओवादी केन्द्रमा प्रवेश गरेका छन । एमालेले सिन्धुलीमा ३४ वडा अध्यक्ष जितेको थियो ।
जिल्लामा एमालेबाट निर्वाचित ३५ प्रतिशत बढी जनप्रतिनिधीहरु निर्वाचित रहेका छन । सिन्धुलीको एमालेमा विभाजनको तात्विक असर नपरेको र थप आउने क्रम नै बढी भएको नेकपा एमालेका अध्यक्ष प्रदीप कटुवालले बताएका छन । उनका अनुसार संविधानसभा सदस्य विषमलाल दनुवार, जनयुद्धको सहिद परिवार समेत रहेकी संविधानसभा सदस्य निरु कुमारी दर्लामी नेकपा एमाले भएकै बेला एमालेमा रहेका छन ।
यस्तै नेकपा विभाजन भएर एमाले र माओवादी केन्द्र भएकै बेला जिल्ला कमिटीमा माओवादी केन्द्रका पूर्व नेताहरु एमालेमै बसेका थिए ।
