सिन्धुली । नेकपा (एमाले) का नेता तत्कालिन नेकपाका कमलामाई नगर कमिटी अध्यक्ष चुरामणी श्रेष्ठको प्रथम स्मृतिमा नेकपा एमालेले सिन्धुली अस्पतालका विरामीलाई फलफूल वितरण गरेको छ । सोमबार विहान सिन्धुली अस्पताल र कोभिड १९ युनिटका विरामीलाई फलफूल वितरण गरेको हो ।
समाजसेवी तथा राजनीतिक व्यक्तित्व श्रेष्ठको प्रथम स्मृतिको अवसरमा बाग्मति प्रदेश सभा सदस्य विनोद खड्का, कमलामाई नगरपालिकाका मेयर खड्ग खत्री, श्रेष्ठका धर्मपत्नि धर्मपत्नी धनकुमारी श्रेष्ठ, नेकपा एमालेका नेता तथा कार्यकर्ताको सहभागितामा फलफूल वितरण गरिएको हो ।
श्रेष्ठका धर्मपत्नि धनकुमारी श्रेष्ठ, बाग्मति प्रदेशसभा सदस्य विनोद कुमार खड्का लगाएतले विरामीलाई फलफूल वितरण गरेका हुन ।
यसैबीच नेकपा एमाले कमलामाई नगर कमिटी सिन्धुलीले श्रेष्ठको पहिलो स्मृतिमा श्रद्धाञ्जली सभाको आयोजना गर्ने भएको छ । स्व. श्रेष्ठको नीजि निवास कनपा ४ सांवालेमा दिउँसो १ बजे सभाको आयोजना गरिएको नेकपा एमालेका नगर इन्चार्ज महेन्द्रदेव श्रेष्ठले बताए ।
