बाबा तपाईले काम गर्न सक्नु भएको भए आमाले काम गर्न जानु पर्दैन थियो है । अब लक डाउन खुलेपछि गएर सकिनसकी काम गर्नुपर्छ । अनि पेट भरी भरी खानु पर्छ ।
कहिले खुल्छ बाबा लकडाउन ?
कोरोना सोरोना सकिओस् अनि । रोग निको भै सकोस् ।
रोग निको भएन भने अब हामीले खान नपाउने हो ? पल्लोघर । तल्लो घर । माथ्लो घरमा त चामल, तेल, नुन, मसला ल्याई दिएका थिए आज ।
कस्ले ल्याएका हुन छोरा ? को मान्छे आएका थिए ?
खै बा मास्क लगाएका थिए । पञ्जा लाएका थिए मैले चिन्न नै सकिन । गाडीमा चढेर आए, चढेरै गए ।
किन बाबा हामीलाई चैं केहि पनि नदिएका ?
त्यस्तो राहत हामीलाई किन चाहियो, हामी त एक दुई दिन नखाएर पनि बाँच्छौं । हामी नखाएर बानी परेका छौं । उनिहरु त धनीमानी मानिसहरु हुन । एक दिन, दुई दिन खान पाएनन् भने उनीहरु बाँच्न सक्दैनन् । त्यसैले छोरा उनीहरुलाई पहिला राहत दिएको ।
अनि बाबा आमा आउनु हुन्न त ?
आउँदैछिन छोरा कम्पनीमा काम रोकेको छ रे । हिडेर आउँदैछिन् चार दिन भो रे हिडेको अझै सात दिन लाग्छ रे घर आई पुग्नलाई । अब त आमा आएपछि टन्न खान पाईन्छ है बाबा । हो बाबु आमा आएपछि टन्न खालास् है ।
तिनपाटन–८, सिन्धुली
