कोरोना कोषमा कमलामाईको सहयोग

सिन्धुली । संघीय सरकारको कोरोना भाइरस संक्रमण रोकथाम नियन्त्रण तथा उपचार कोषमा कमलामाई नगरपालिकाले ६ लाख २४ हजार ८६८ रुपैंया जम्मा गरेको छ । नगरपालिकाका कर्मचारीको तलबबाट कट्टा गरि उक्त रकम जम्मा गरिएको कमलामाई नगरपालिकाले जनाएको छ ।
सरकारले घोषणा गरे अनुसारको मापदण्डमा कमलामाई नगरपालिका सिन्धुलीमा कार्यरत कर्मचारीहरुवाट चैत्र महिनाको तलववाट उक्त रकम जम्मा गरिएको नगरप्रमुख खड्ग खत्रीले बताए ।
उनका अनुसार अधिकृत स्तरका कर्मचारीवाट ५ दिन वरावरको तलव र सहायक स्तर तथा श्रेणी विहिन कर्मचारीवाट ३ दिन वरावर हुन आउने रकम जम्मा गरिएको हो ।
यस्तै नगरपालिकाले नगरपालिकाको प्रकोप व्यवस्थापन विशेष कोषमा सम्पूर्ण कर्मचारीहरुको १ दिन वरावरको तलव कट्टी गरी १ लाख ८६ हजार ६०८ रुपैंया जम्मा गरेको जनाएको छ ।

Advertisement. Scroll to continue reading.