सिन्धुली । कमलामाई नगरपालिका स्तरीय दोस्रो राष्ट्रपति रनिङ शिल्ड प्रतियोगिताको उपाधि जनज्योति माध्यामिक विद्यालय फोस्रेटारले हात पारेको छ । विहिबार सम्पन्न प्रतियोगितामा फोस्रेटारले ९ स्वर्ण, ५ रजत र २ कास्य सहित प्रथम उपाधि हात पारेको हो । तीन दिनसम्म सिन्धुलीमाढीको खुलामञ्चमा भएको प्रतियोगितामा फोस्रेटारले उक्त उपाधि जितेको हो ।
प्रतियोगितामा ४ स्वर्ण, ४ रजत र २ कास्य सहित कमला माध्यमिक विद्यालय ढुंग्रेवासले दोस्रो स्थान हासिल ग¥यो भने ४ स्वर्ण २ रजत र २ कास्य पदक सहित गौमति नमुना माध्यमिक विद्यालय माढिबजारले तृतीय स्थान प्राप्त ग¥यो ।
छात्र तर्फ १५ र छात्रातर्फ १५ गरी ३० वटा खेलमा ४ सय ८३ जना खेलाडीहरुले प्रतियोगितमा भाग लिएका राष्ट्रपति रनिङ शिल्ड प्रतियोगिताका संयोजक दीपककुमार बुढाथोकीले बताए । प्रतियोगितामा कमलामाई नगरपालिका भित्रका १९ वटा विद्यालयहरु प्रतिस्पर्धामा सहभागी भएका थिए ।
प्रतियोगिताको समापनका अवसरमा विजेतालाई शिल्ड, मेडल तथा प्रमाणपत्र वितरण गरिएको छ जिल्ला खेलकुद विकास समितिका अध्यक्ष सूर्य पाख्रिनले उक्त पुरस्कार वितरण गरेका हुन । पुरस्कार वितरण कार्यक्रममा बोल्दै पाख्रिनले खेलकुदको विकासले शरीर, मन र ब्यक्तित्व विकास गर्ने बताए । उनले स्वास्थ्य र विकासको आधार खेलकुद रहेकाले खेलकुदमा सरकारले लगानी गर्नुपर्ने बताए ।
कमलामाई नगरपालिका शिक्षा शाखा अधिकृत हितकुमारी पौडेलको अध्यक्षतामा भएको समापन तथा पुरस्कार वितरण कार्यक्रममा रनिङ शिल्ड सफल पार्न सहयोग गर्ने खेल प्रशिक्षक, स्वयम् सेवक, सुरक्षाकर्मी, सहभागी, प्रधानाध्यापक लगायतलाई सम्मान तथा प्रशंसापत्र वितरण गरिएको थियो ।
कार्यक्रमको सहजीकरण कमलामाई शिक्षा शाखाका शिक्षा सहजकर्ता डा. हरिप्रसाद पोखरेलले कार्यक्रमको सञ्चालन गरेका थिए ।
