सिन्धुली । जलस्रोत तथा सिंचाई विभागले सिन्धुलीमा निर्माणाधिन सुनकोशी मरिण डाईभर्सन बहुउद्देश्यीय आयोजनालाई उत्कृष्ट आयोजनाका रुपमा सम्मान गरेको छ । विभागको ७१ औं वार्षिक उत्सव तथा सिंचाई दिवसको अवसरमा आयोजनालाई सम्मान गरेको हो ।
वार्षिक उत्सव तथा सिंचाई दिवसको अवसरमा आइतबार काठमान्डौमा आयोजित कार्यक्रममा आयोजना प्रमुख मित्र बरालले उक्त सम्मान लिएका छन । उर्जा, जलस्रोत तथा सिंचाई मन्त्री शक्ति बहादुर बस्नेतले सम्मान गरेका थिए ।
विभागले सुनेकोशी मरिण डाईभर्सनको कार्य प्रगति तथा समुदायमा पु¥याएको समग्र प्रभावलाई मुल्यांकन गरि सम्मान गरिएको जनाएको छ । सुनकोशी मरिण डाईभर्सनको कार्यसम्पादन उत्कृष्ट रहेको भन्दै पहिलो नम्बरमै सम्मानित भएको हो ।
विभागले सो अवसरमा सुनकोशी मरिण डाईभर्सन बहुउद्देश्यीय आयोजना सहित देशभरका उत्कृष्ट १० आयोजनालाई सम्मान गरेको छ ।
सम्मानित हुनेमा वृहत दाङ उपत्यका सिंचाई आयोजना, रानी जमरा कुलरिया सिंचाई आयोजना टिकापुर कैलाली, ववई भाद्धा, औरहि नदी व्यवस्थापन आयोजना गुलरिया बर्दिया, बागमति सिंचाई आयोजना सर्लाहि, महाकाली सिंचाई आयोजना महेन्द्रनगर कञ्चनपुर, ववई सिंचाई आयोजना वर्दिया, झापा भूमिगत जल सिंचाई आयोजना मोरङ र कमला सिंचाई व्यवस्थापन कार्यालय धनुषा रहेका छन ।
