सिन्धुली । पब्लिक क्याम्पस संघका केन्द्रीय उपाध्यक्ष एवम् बागमति प्रदेशका पूर्व स्वास्थ्य मन्त्री प्रदीप कुमार कटुवालले शिक्षाको गुणस्तरीय विकास गर्न सकेमा मात्र देशमा रोजगारीको स्थिति सृजना हुने बताए । उनले समाजमा सकारात्मक परिवर्तन गर्न पनि शिक्षा महत्वपूर्ण रहेको बताए ।
विहिबार तीनपाटन बहुमुखी क्याम्पस भिमस्थानको क्याम्पस सभामा बोल्दै उनले यस्तो बताएका हुन । कटुवालले शिक्षाको विकासले मात्र समाजमा सकारात्मक रुपान्तरण हुने भन्दै देशमा राम्रो शैक्षिक वातावरण बनाउन नसक्दा हजारौं नेपाली युवा विद्यार्थी विदेशिएको बताए ।
तीनपाटन शिक्षा क्याम्पस सञ्चालक समितिका अध्यक्ष छत्रवहादुर दाहालको अध्यक्षता तथा कटुवालको प्रमुख आतिथ्यतामा भएको सभाले हेम वहादुर श्रेष्ठको अध्यक्षतामा १४ सदस्यीय क्याम्पस सञ्चालक समिति निर्विरोध चयन गरेको छ ।
जसको उपाध्यक्षमा अर्जुन प्रसाद कोईराला तथा सदस्यहरुमा द्वारिका प्रसाद काफ्ले, देवलाल श्रेष्ठ, कुमार सत्याल, चन्द्रलाल श्रेष्ठ, झलक राम काफ्ले, अनन्त राज दाहाल, सावित्रा दाहाल सत्याल, हेम लामा, माधव प्रसाद वराल, लाल वहादुर मानन्धर, चेतराज सत्याल र तारामायाँ श्रेष्ठ रहेका छन् ।
कार्यक्रममा क्याम्पसको विशिष्ट, आजीवन र साधारण सदस्यहरुलाई प्रमाण पत्र वितरण गरिएको थियो । त्यसै गरी क्याम्पस सञ्चालक समितिका पूर्व अध्यक्ष र पूर्व क्याम्पस प्रमुखलाई सम्मान समेत गरिएको थियो ।
