सिन्धुली । जिल्लामा एमसिसीको विरोधमा बन्द गराउँदै हिडेका १६ जना बन्दकर्ता पक्राउ परेका छन । बुधबार विहान विपी राजमार्ग तथा बजारहरु बन्द गराउँदै हिडेका बन्दकर्तालाई कमलामाई नगरपालिकाको राममाढीबाट प्रहरीले पक्राउ गरेको हो । उनीहरु ढुंग्रेवासबाट सिन्धुलीमाढी तर्फ बन्द गराउँदै हिडेका थिए ।
प्रहरीले पक्राउ गरे लगत्तै नेकपा माओवादी (विप्लव)का जिल्ला इन्जार्ज वत्र्यवहादुर राईले फोन गरेर आफुहरु पक्राउ परेको जानकारी गराएका छन ।
\राईले आफु सहित १६ जनालाई प्रहरीले पक्राउ गरेको र आफुहरु प्रहरी नियन्त्रणमा रहेको बताए ।
एमसिसीको विरुद्धमा साना ६ दल र दुई मोर्चाले आह्वान गरेको नेपाल बन्द सफल बनाउन हिडेका बन्दकर्ताहरु र प्रहरीबीच राममाढीमा धकेलाधकेल समेत भएको छ ।
सिन्धुलीमा बन्दको आंशिक प्रभाव परेको छ । विशेष गरि शैक्षिक संस्थाहरुमा बन्दको प्रभाव प्रत्यक्ष परेको छ भने बजार र सार्वजनिक यातायात बन्द रहेका छन । नीजि सवारी साधन र मोटरसाईकलहरु भने चलेका छन ।
जिल्ला प्रहरी कार्यालय सिन्धुलीका डिएसपी मनोज कुमार लामाले बन्दकर्तालाई पक्राउ गरिएको पुष्टि गरेका छन । उनीहरुलाई बन्दको अवधि सकिएपछि जिल्ला सुरक्षा समितिको बैठक बसी छोड्ने वा नछोड्ने निर्णय गरिने लामाले बताए ।
