प्रदीप कुमार कटुवाल क्षेत्री सिन्धुलीका दुरदराजका नागरिकका मनमा बसेको नाम हो । कटुवाल बागमति प्रदेश सरकारको स्वास्थ्य मन्त्री बन्दा सिन्धुलीमा खुशीयाली छाएको छ । हरेक अवसरसँग राजनीतिक सामाजिक जीवनलाई जोडेर मुल्यांकन नगर्ने नेता भएका कारण पनि उनी सबैको मनमा बस्न सफल भएका छन ।
कटुवाल २०१९ साल जेठ १९ गते पीता रत्न बहादुर कटुवाल र माता टम्कमाया कटुवालको कोखबाट जन्मेका हुन । साविकको खोलागाउँ गाविस, हालको फिक्कल गाउँपालिका वडा नं. ३ चनौटे सिन्धुलीमा जन्मेका कटुवाल हाल कमलामाई नगरपालिका वडा नं. ६ पानीट्यांकीमा बसोवास गर्दै आएका छन । कटुवालले आम्बोटेमा रहेको मावि आम्वोटेमा प्रारम्भिक शिक्षा लिएको देखिन्छ । उनले त्यहाँ कक्षा ५ सम्म अध्ययन गरेका हुन । त्यसपछि जिल्ला सदरमुकाम सिन्धुलीमाढीमा आई अध्ययन गरे । २०३७ सालमा कमला मावि ढुंग्रेवासबाट उनले एसएलसी पास गरेका छन ।
अध्ययनका हिसाबले उनी व्यवस्थापन विषयका विद्यार्थी हुन । उनले स्नातकोत्तर पास गरेका छन । जनकपुरको राराव क्याम्पसबाट स्नातकोत्तरसम्मको अध्ययन गरेका उनी जागिर भन्दा पनि समाजसेवा र राजनीतिमा निरन्तर झोला बोकेर लागे ।
स्कुलको पढाईसँग सँगै उनको राजनीतिक जीवन सुरु भएको पाइन्छ । ०३५÷३६ सालमा विद्यार्थी राजनीतिबाट राजनीतिक जीवन सुरु गरेका उनी तत्कालिन अनेरास्ववियुको एकता पाँचौबाट राजनीतिमा प्रवेश गरेका हुन । त्यसपछि उनी निरन्तर राजनीतिमा लागिरहेको पाइन्छ ।
राजनीतिसँगै सामाजिक सेवामा पनि उत्तिकै तल्लिन देखिने कटुवाल सादगी नेताका रुपमा पनि चिनिन्छन । नागरिकका समस्या समाधान गर्नका लागि सधै झोला बोकेर हिड्ने कटुवालले कमाउनका लागि राजनीति गरेको देखिदैन ।
विद्यार्थी हुदैदेखि राजनीतिलाई निरन्तरता दिने क्रममा प्राक हुदै अखिलका विभिन्न कमिटिहरुमा काम गरेका छन् । विद्यार्थीको केन्द्रीय सदस्य हुदै युवा संघ सिन्धुलीको २०४८ सालमा अध्यक्ष बनेका कटुवाल युवा संघको ३ चोटीसम्म केन्द्रीय सदस्य बने ।
यस्तै नेकपा एमालेको इलाका कमिटी हुदै जिल्ला कमिटीको अध्यक्षसम्म भए । उनी २०६९ देखि हालसम्म निरन्तर जिल्ला अध्यक्षका रुपमा क्रियाशिल छन । कटुवालले एमाले र माओवादी केन्द्रको एकीकरणपछि बनेको नेकपाको सचिवका रुपमा समेत काम गरे । फेरी अदालतले नेकपा एमाले व्यँुताईदिएपछि एमालेका जिल्ला अध्यक्षका रुपमा क्रियाशिल छन ।
जनप्रतिनिधिको यात्रा
निरन्तर राजनीतिमा लाग्ने क्रममा पटक पटक विभिन्न पदमा निर्वाचित समेत भए । २०४३ सालमा जनपक्षिय प्रधानपञ्च भएका कटुवाल २०५४ सालमा खोलागाउँ गाविसको अध्यक्ष निर्वाचित भए । सोहि वर्ष जिल्ला विकास समिति सिन्धुलीको सदस्य समेत भए । पटक पटक सांसदको टिकटको दावी छोडेका उनी २०७४ सालमा सिन्धुली क्षेत्र नं. १ (२) बाट बागमति प्रदेशसभा सदस्य निर्वाचित भए । २०५६, २०६४, २०७० र २०७४ गरि चार पटकसम्म सांसदको टिकट दावी गरेर छोडेका कटुवाल बुधबार वाग्मति प्रदेशको स्वास्थ्य मन्त्रीमा नियुक्त भएका छन ।
सामाजिक जीवन
प्रदीप कटुवाल सिन्धुलीको विकास र सामाजिक क्षेत्रमा परिचित नाम हो । उनले शिक्षा क्षेत्र, स्वास्थ्य, खानेपानी, बाटो, विजुलीलाई प्राथमिकतामा राखेर जनताको आवाज बोकेर हिड्छन । विद्यालय निर्माण गर्ने, स्वास्थ्य भवन निर्माण गर्ने, शिक्षालाई गाउँ गाउँसम्म पु¥याउने अभियानमा उनी निरन्तर लागे । सोहि क्रममा २०६० सालदेखि हालसम्म पब्लिक क्याम्पसको केन्द्रीय उपाध्यक्षका रुपमा क्रियाशिल छन । सिन्धुली बहुमुखी क्याम्पसको चार कार्यकाल सदस्य, लाम्पानटार बहुमुखी क्याम्पस तिनपाटनको २०६२ सालदेखि हालसम्म अध्यक्ष छन । हालसम्म १० वटा विद्यालयको अध्यक्ष भईसकेका कटुवालको स्वास्थ्य क्षेत्रमा पनि उल्लेख्य योगदान छ ।
पछिल्लो समय सिन्धुलीको ५० वेडको कोभिड युनिट अस्पताल निर्माण र व्यवस्थापनमा निरन्तर खटेका कटुवालले स्वास्थ्य केन्द्रका भवन निर्माण र स्वास्थ्यकर्मीको उचित व्यवस्थापनमा निरन्तर काम गरेका छन । तीन सन्तानका बाबु कटुवालका श्रीमति गृहिणी हुन ।
(यो लेख प्रदीप कुमार कटुवाल क्षेत्री वागमति प्रदेश सरकारको स्वास्थ्य मन्त्री नियुक्त भएपछि उहाँसँग टेलिफोनमा कुराकानी गरेको आधारमा तयार गरिएको हो ।)
