सिन्धुली । ‘सवैका लागि घरघरमा मानव अधिकार, शान्ति र विकासको आधार’ भन्ने मूल नाराका साथ मानव अधिकारमुखी विकास पद्धति विषयक अन्तरक्रियात्मक विचार गोष्ठी सोमबार सिन्धुलीमाढीमा सम्पन्न भएको छ ।
गाष्ठीमा बोल्दै प्रमुख अतिथि तथा जिल्ला समन्वय समिति सिन्धुलीका प्रमुख शंकरराज बर्माले स्थानीय तहसंग मानव अधिकारका विषयवस्तुलाई प्राथमिकतामा राख्नका लागि समन्वय गर्नुपर्ने बताए । उनले स्थानीय तहले विकास निर्माणका लागि बजेट विनियोजन गर्दा मानव अधिकारमुखी विकास पद्दतिलाई ध्यान दिनुपर्नेमा जोड दिए । सिमान्तकृत, अल्पकंख्यक, अपांग, महिला, बालबालिकाहरुको लागि विशेष बजेट विनियोजन गरि निवार्चित जनप्रतिनिधिहरुले उनीहरुकै लागि काम गर्नुपर्नेमा जोड दिए ।
त्यस्तै क्युपेक नेपाल सिन्धुलीका अध्यक्ष कर्णबहादुर कार्कीले मानव अधिकार कसैले पनि हनन गर्न नहुने भन्दै कुनै पनि कार्य क्षेत्रमा काम गराउदा श्रमिकहरुको मानव अधिकारलाई ख्याल गर्नपर्नेमा जोड दिए ।
मानव अधिकार शिक्षा क्लव रिलेक नेपाल सिन्धुलीका अध्यक्ष रुद्र खड्काको अध्यक्षतामा सम्पन्न कार्यक्रममा जिसस उपप्रमुख सम्झना अधिकारी दनुवार, कमलामाई नगरपालिकाका उपप्रमुख मञ्जु देवकोटा, नेपाल कम्युनिष्ट पाटीका केन्द्रीय सदस्य उमा कोइराला, नेकपा नेता सुर्य पाख्रिन, नगर कार्यपालिका सदस्य शिवमाया रायमाझी, शिक्षक संघका अध्यक्ष अरुण थिङ लगाएतको उपस्थिति रहेको थियो । कार्यक्रममा राष्टिय मानव अधिकार आयोग जनकपुरका अधिकृत दिपकुमार यादवले मानव अधिकारमुखी विकास पद्धति विषयक कार्यपत्र प्रस्तुत गरेका थिए ।
मानव अधिकार शिक्षा क्लव रिलेक नेपाल सिन्धुलीको आयोजना, कमलामाई नगरपालिका सिन्धुलीको सहयोग तथा सहकार्य नेपाल सिन्धुली र सामूहिक सरोकार समाज सिन्धुली लगाएत जिल्ला स्थित विभिन्न संघ संस्थाको सहकार्यमा उक्त कार्यक्रम सम्पन्न भएको रिलेक नेपालका अध्यक्ष रुद्र बहादुर खड्काले बताए ।
