सिन्धुली । प्रहरीले ५५ किलो गाँजा सहित हरिहरपुरगढी गाउँपालिकाबाट ६ जनालाई पक्राउ गरेको छ । गाँजा सहित पक्राउ परेका ६ जनालाई पत्रकार सम्मेलन गरि सोमबार जिल्ला प्रहरी कार्यालयमा सार्वजनिक गरिएको छ । उनीहरुलाई हरिहरपुरगढी गाउँपालिका वडा नं. ७ केमनचुली क्यान भुताहा जाने सडकको बाटो छेउँमा चेकजाँच गर्दा पक्राउ गरेको हो ।
शनिबार विशेष सूचनाका आधारमा जिल्ला प्रहरी कार्यालय सिन्धुलीका डिएसपी श्याम बहादुर खत्री र क्यानेश्वर प्रहरी चौकीका असई भुवनेश्वर पाण्डेको नेतृत्वको टोलीले उनीहरुलाई ३ वटा मोटरसाईकलमा तयारी गाँजा सर्लाहितर्फ लाँदै गर्दा पक्राउ गरिएको जिल्ला प्रहरी कार्यालय सिन्धुलीका सूचना अधिकारी डिएसपी श्याम बहादुर खत्रीले बताए ।
उनका अनुसार उनीहरुसँग ६ वटा मोवाईल केहि नगद समेत बरामद गरिएको छ । बरामद गरिएको गाँजा, मोवाईल नगद, मोटरसाईकल प्रहरीले सार्वजनिक गरेको छ । गाँजा ओसारपसारमा संलग्न रहेका हरिहरपुरगढी गाउँपालिका ७ का सन्तोष स्याङतान, आकाश बल, सरोज स्याङतान, मरिण गाउँपालिका २ का तिलकध्वज मुक्तान र सर्लाहीको बाग्मति नगरपालिका ४ का श्रवणकुमार वाईवा रहेको खत्रीले बताए ।
उनीहरुले ना५८प८५१, ना४६प२३१० र ज७प२४१६ नम्बरका मोटोटेमरसाईकलमा १५ किलो, २० किलो र २० किलोक गाँजा मेसिनले पेलेको गाँजा बरामद गरिएको हो । ५ किलो बराबरको प्याकेट बनाई बोरामा हालेर सर्लाहि तर्फ लाँदै गर्दा प्रहरीले समात्न सफल भएको खत्रीले बताए ।
सन्तोष स्याङतान र आकाश बलको साथबाट मोटरसाईकलको सिट माथी लुकाई राखेको मेसिनले पेली तयारी अवस्थामा राखिएको तीन थान लागु औषध गाँजा, (१५ किलोग्राम), अंकित मुक्तान र सरोज स्याङतानको साथबाट ४ थान (२० किलोग्राम) तयारी गाजाँ र श्रबण कुमार वाईबा र तिलकध्वज मुक्तानको साथबाट ४ थान (२० किलोग्राम) गाजाँ बरमामद गरिएको खत्रीले जानकारी दिए ।
पक्राउ परेका व्यक्तिहरुले प्रहरी समक्ष आफुहरुले सिन्धुलीको सिमा कटाउने र प्रति किलोग्राम १० हजारमा किनबेच हुने गरेको बताएको प्रहरी नायव उपरीक्षक खत्रिले बताए । पक्राउ परेकाहरुले प्रतिकिलो ढुवानी वापत २५ सयसम्म लिदै आएको र आफुहरुलाई अरुले नै पठाउन लगाएको बताएको खत्रीले बताए । पक्राउ परेका ६ जना आरोपितहरुलाई जिल्ला अदालत सिन्धुलीबाट आइतबा ७ दिनको म्याद थप गरि अनुसन्धान गरिएको प्रहरीले जनाएको छ ।
चालु वर्षमा २७१ विघाको गाँजा फडानी
जिल्ला प्रहरी कार्यालय सिन्धुलीले चालु आर्थिक बर्षमा २७१ विघा १ कठ्ठा, १९ धुर जग्गामा लगाएको गाँजा खेति नष्ट गरेको छ । मरिण गाउँपालिकाको २, ३ र ४ नं. वडा र हरिहरपुरगढी गाउँपालिकाको ६, ७ र ८ मा रहेको ऐलानी जग्गामा लगाइएको गाँजा खेति नष्ट गरिएको प्रहरीले जनाएको छ ।
यस अवधिमा उक्त जग्गामा लगाईएको गाँजा, तयारी गाँजा र गाँजाका बेर्ना नष्ट गरिएको प्रहरी नायव उपरीक्षक खत्रीले बताए । उनका अनुसार मरिण र हरिहरपुरगढीको खोंच सेपीलो जग्गा र अनकन्टार जग्गामा गाँजा खेति गर्ने र खेति गर्नेहरुको पहिचान हुन गाह्रो हुने गरेको उनले बताए ।
उनी भन्छन, ‘गाँजा लगाउनेको पहिचान हुदैन, स्थानीयहरुले मेरो हैन खै कस्को हो भन्छन तर व्यापक गाँजा खेति छ ।’ यस्तो अवस्थामा मुद्दा चलाउन प्रमाण पु¥याउनै गाह्रो हुने उनले बताए ।
लागु औषधमा ८ मुद्दा, २३ पक्राउ
सिन्धुलीमा चालु आर्थिक वर्षमा लागु औषध तथा दुव्र्यसनीमा ४ वटा मुद्दा दर्ता भएका छन । ती मुद्दामा २३ जना पक्राउ परेका छन । उनीहरुको मुद्दा चलिरहेको छ भने ३ जना फरार छन । ती आठ घटनामा नाइट्राभेटोटेम १० बाह्रसय२९ ट्यावलेट, नाइट्राभेटोटेम ५९९ ट्यावलेट, केल्याव ४ बोत्तल, नोफिन इन्जेक्सन २ थान, डाइजी ल्याव इन्जेक्सन १ थान र ५५ किलो ७५० ग्राम गाँजा बरामद भएको डिएसपी खत्रीले बताए ।
लगानी भारतीय गिरोहको
मरिण र हरिहरपुरगढीमा गाँजा उत्पादन गर्ने र ओसार पसार गर्ने गिरोह भारतबाट परिचालित भएको प्रहरीले जनाएको छ । प्रहरीका अनुसार स्थानीयलाई समेत परिचालन गरि गाजाँमा लगानी गरिएको र ओसारपसार गरिएको अनुसन्धानमा देखिएको छ । उत्पादित गाँजा मकवानपुर, वारा पर्सा सर्लाही लगाएतका जिल्ला हुदै भारत जाने गरेको पाईएको छ ।
सिन्धुलीमा हरेक वर्ष प्रहरीले गाँजा फडानी गर्दै आएको छ । यस पटक गाँजा फडानीसँगै ओसार पसारमा पनि विशेष निगरानी बढाएको जिल्ला प्रहरी कार्यालय सिन्धुलीले जनाएको छ । प्रहरीका अनुसार गाँजा उत्पादनको विउ समेत भारतबाट आउने गरेको खुलासा भएको छ ।
