सिन्धुली । विपी राजमार्ग अन्तर्गत कमलामाई नगरपालिका वडा नं. ७ मा मोटरसाईकल दुर्घटना हुदा २ जनाको घटनास्थलमै मृत्यु भएको छ । सिन्धुलीमाढीबाट वर्दिवास हुदै धनुषा जान थालेको प्रदेश २–०२–००१प.२५१० नम्बरको मोटरसाईकल शनिबार विहान १ बजे दुर्घटना भएको हो ।
दुर्घटनामा परि क्षिरेश्वर नगरपालिका वडा नं. ६ का २२ वर्षिय कृष्णकुमार गुप्ता र मोटरसाईकल चालक धनुषाको महेन्द्र नगर नगरपालिका २ बस्ने २४ वर्षिय सुनिल कुमार राय राजपुत रहेको जिल्ला प्रहरी कार्यालय सिन्धुलीका सूचना अधिकारी डिएसपी श्याम बहादुर खत्रीले बताए ।
उनका अनुसार मोटरसाईकल आफै अनियन्त्रि भई सडकबाट १५ फिट तल झरी दुर्घटना भएको थियो । उनीहरुको शव पोष्टमार्टमका लागि सिन्धुली अस्पतालमा राखिएको छ ।
फेसबुक मार्फत प्रतिकिया दिनुहोला
Advertisement. Scroll to continue reading.
