सिन्धुली । न्यायमा पहुँच र महिला सशक्तीकरण सम्बन्धि अन्तक्र्रिया बुधबार सिन्धुलीमाढीमा सम्पन्न भएको छ । हाम्रो प्रयास नेपाल सिन्धुलीको आयोजनामा भएको न्यायमा पहुँच र महिला सशक्तिकरण सम्बन्धि अन्तर्क्रियामा न्यायमा पहुँच, समावेशीकरण, समानुपातिक प्रतिनिधित्व र सकारात्मक विभेद सम्बन्धि विषयमा जिल्ला न्यायाधिवक्ता निमा घिमिरेले सहजीकरण गरेकी थिईन् भने मेलमिलापमा समाजिक समावेशीकरण, सशक्तिकरण लैंगिक सवालमा मेलमिलापकर्ता पार्वती भट्टराईले सहजीकरण गरेकी थिईन् ।
कार्यक्रममा बोल्दै जिल्ला न्यायाधिवक्ता निमा घिमिरेले पीडितलाई बलियो बनाउन र होस्टाईल हुन नदिन महिला अधिकारकर्मीहरु, अभियन्ताहरुको सक्रियता आवश्यक हुने बताएकी छिन् । उनले पीडितलाई न्यायको पहुँचमा आईपुग्न धेरै सामाजिक, राजनीतिक, आर्थिक लगाएतका बाधाहरु आईपर्ने भएकाले उनीहरुलाई सुरक्षित न्यायको पहुँचमा पु¥याउन सहयोगको खाँचो रहेको बताईन् ।
कार्यक्रममा बोल्दै प्रमुख जिल्ला अधिकारी स्किम श्रेष्ठले सरकारी निकाय र कर्मचारीहरुले कानुनमा तोकिएको काम गर्नुपर्ने बताउँदै कहिलेकाहिँ पीडितको सामाजिक न्यायमा आधारित रहेर समेत काम गर्नुपर्ने अवस्था आउने बताईन् । पीडितहरुको न्यायीक निकायमा पहुँच नपुग्दा धेरैले न्याय पाउन नसकेको बताउँदै आवश्यक सहयोग र सहकार्य चाहिएको श्रेष्ठले बताईन् ।
यस्तै कार्यक्रममा बोल्दै सहभागिहरुले सशक्तिकरण व्यवहारमा नदेखिएको बताउँदै पीडितहरुलाई स्थानीय तहले काम नगरेको बताएका छन् । यस्तै उनीहरुले महिलाहरुले नागरिकताको समस्या समाधानमा ध्यान दिनुपर्ने, जन्मदर्ता लगाएतका घटनादर्तामा पीडित पक्षले अप्ठ्याराहरु भोग्नुपरेको, सरकारी निकायहरुले सामाजिक न्यायलाई प्राथमिकता दिनुपर्ने, दवाव प्रभाव र पहुँचका आधारमा मुद्दाहरु दर्ता नगर्ने, होस्टाईल हुने, सहजै न्याय पाउन नसक्ने अवस्था रहेको, जातिय आधारमा विभेद कायम रहेको लगाएतका सवाल उठाएका छन् ।
हाम्रो प्रयास नेपाल सिन्धुलीका अध्यक्ष गंगा दाहालको अध्यक्षतामा भएको कार्यक्रममा जिल्ला समन्वय समिति सिन्धुलीका उपप्रमुख शान्ता कार्की, कमलामाई नगरपालिकाका उपप्रमुख मञ्जु देवकोटा, मरिण गाउँपालिकाका उपाध्यक्ष बिमला माझी, नेपाल पत्रकार महासंघ बागमती प्रदेशका उपाध्यक्ष बिमला पाण्डे, विभिन्न राजनीतिक दलका नेतृत्वदायी भूमिकामा रहेका नेताहरु, विभिन्न संघसंस्थाहरुका प्रमुख एवम् प्रतिनिधिहरु, सञ्चारकर्मीहरु, जनप्रतिनिहरु, शैक्षिक व्यक्तिहरु, अभियन्ताहरु लगाएतको सहभागिता रहेको थियो ।
