सिन्धुली । बुधबार प्रहरीले गोलञ्जोरको खुर्कोटबाट बिल बिजक बिनाका खाद्य सामान बरामद गरेको छ । सामान बोकेको गाडी र बिल विनाका सामान गरि चौविस लाख मुल्य बढीको सामान बरामद गरि भन्सार कार्यालय जनकपुर पठाईएको जिल्ला प्रहरी कार्यालय सिन्धुलीले जनाएको छ ।
गोलन्जोर गाउँपालिका ७ खुर्कोट हुँदै रामेछापतर्फ सामान लिएर जाँदै गरेको ना७ख७३५७ नम्बरको ट्रकलाई चेकजाँच गर्दा विल बिनाको चिनी, भुजा लगाएतका खाद्य सामग्री बरामद गरिएको जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेले बताए ।
महालक्ष्मी उद्योगको पचास केजीको ३८ बोरा चिनी, राजहंस लेखिएको ५० केजीको २१ बोरा चिनी, सल्फरलेस ह्वाईट क्रेस्टल सुगर लेखिएको पचास केजीको १ बोरा चिनी, ७ केजीको एक सय बोरा विवेक भुजा, ९ केजीको विवेक भुजा १३४ बोरा, विवेक भुजा (सेतो) ७ केजीको ११९ बोरा बरामद गरिएको काफ्लेले बताए ।
प्रहरीका अनुसार गाडीको मुल्य २० लाख र अन्य सामानको मुल्य ४ लाख ९ हजार ५६० रुपैंया बाराबरको रहेको छ । सामान र गाडी आवश्यक कारवाहिका लागि जनकपुर भन्सार कार्यालय पठाईएको एसपी काफ्लेले बताए ।





















