सिन्धुली । प्रहरीले मंलबार दिउँसो सिरहाको लाहानबाट काठमान्डौ लाँदै गरेको विभिन्न प्रकारका २ लाख तीस हजार बढीको पान मसला बरामद गरेको छ ।
कमलामाई नगरपालिका ६ माझीटार चेकपोष्टमा सवारी चेकजाँच गर्ने क्रममा बसको छतमा बोरामा लुकाई ल्याएको विल नभएका पान मसला बरामद गरेको छ ।
जिल्ला प्रहरी कार्यालय सिन्धुलीका अनुसार बा४ख५८०६ नम्बरको बसमा ल्याईएको अफजलमिन्ट टोवाको २४ केजी पान मसला, अफजल लेमन मिन्ट पान मसला साढे बाह्र किलो, अफजल आहस मिन्ट पान मसला साढे १२ केजी, अफजल डबल एप्पल टोवाको पान मसला २४ केजी, अफजल मिन्ट टोवाको पान मसला ५० केजी, अफजल व्लुबेरी मिन्टको पान मसला साढे १२ केजीको पान मसला गरि २ लाख ३० हजार ३ सय ५० रुपैंया बराबरको सामान बरामद गरिएको जिल्ला प्रहरी कार्यालय सिन्धुलीका एसपी गोविन्दराज काफ्लेले बताए ।
उनका अनुसार बरामद गरिएको सामान आवश्यक कारवाहिका लागि जनकपुर भन्सार कार्यालय धनुषा पठाईएको छ ।
