सिन्धुली । जिल्लाका नौ स्थानीय तहमध्ये कार्यसम्पादन मुल्यांकनमा कमलामाई नगरपालिका प्रथम भएको छ । राष्ट्रिय प्राकृतिक स्रोत तथा वित्त आयोगले गरेको आर्थिक वर्ष २०८१/०८२ कार्यसम्पादन मूल्यांकनमा कमलामाई नगरपालिका ७१ दशमलव ३४ अंक सहित प्रथम भएको हो ।
सुशासन, पारदर्शिता र जवाफदेहिताको मुल्यांकनमा विगतका दुई वर्षमा प्रथम भएको मरिण गाउँपालिका कार्यसम्पादनमा अन्तिम स्थानमा पुगेको छ । मरिण गाउँपालिकाले ५१ दशमलव ७५ अंक मात्र प्राप्त गरेको छ ।
यस्तै फिक्कल गाउँपालिका ६९ दशमलव ६२ अंक सहित दोश्रो र दुधौली नगरपालिका ६४ दशमलव ५४ अंक सहित तेस्रो भएका छन् ।
यस्तै घ्याङ्लेख गाउँपालिकाले ६४ दशमलव २१, तीनपाटन गाउँपालिकाले ५७ दशमलव ८०, सुनकोशी गाउँपालिकाले ५७ दशमलव ८१, गोलन्जोर गाउँपालिकाले ५५ दशमलव १६, हरिहरपुरगढी गाउँपालिकाले ५४ दशमलव ७७ अंक प्राप्त गरेका छन् ।
आयोगले स्थानीय तहहरुका १७ सूचकमा रहेर कार्यसम्पादनको मुल्यांकन गर्दै आएको छ । उक्त प्रतिवेदन माघ २९ गते प्रकाशन भएको थियो ।
