सिन्धुली । लागु औषध सेवन गरि सवारी चलाउने छ जना सवारी चालकलाई प्रहरीले नियन्त्रणमा लिएको छ । जिल्ला प्रहरी कार्यालय सिन्धुलीले विपी राजमार्गमा सवारी साधन चलाउने चालकहरुमा विहिबार चेकजाँच गर्ने क्रममा छ जनाले लागु औषध प्रयोग गरिएको भेटिएको जनाएको छ ।
कमलामाई नगरपालिका वडा नं.७ गडौली पुलमा जिल्ला जनस्वास्थ्य कार्यालय सिन्धुलीको सहयोगमा गरिएको परिक्षणमा छ जनामा लागु औषध जाँच पोजेटिभ देखिएपछि नियन्त्रणमा लिइएको जिल्ला प्रहरी कार्यालय सिन्धुलीले जनाएको छ ।
बत्तिस जनाको लागुपदार्थ चेकजाँच गरिएको थियो । बिपि राजमार्ग भएर सञ्चालित मोटरसाईकल, ट्रक, बस, माईक्रो, सुमो, ईलेक्ट्रिक भ्यान र पिकअपका चालकको जाँच गरिएको थियो ।
लागु पदार्थ जाँच पोजेटिभ देखिएका पाँच जना मोटरसाईकल चालक र एकजना स्कुटर चालकलाई नियन्त्रणमा लिइएको जिल्ला प्रहरी कार्यालय सिन्धुलीका डिएसपी सुर्यप्रकाश सुबेदीले बताएका छन् ।
प्रहरीले मोटरसाईकल चालकहरु रामेछापको उमाकुण्ड गाउँपालिका वडा नं. ३ का २४ वर्षिय कुशराज सुनुवार, झापाको दमक नगरपालिका वडा नं. ५ का २५ वर्षिय तुसाहाङ सावा, उदयपुर बेलका नगरपालिका वडा नं. १ का २३ वर्षिय गोबिन्द सिक्देल, कमलामाई नगरपालिका ६, सिन्धुलीका २८ वर्षिय बिनोद शंकर, कमलामाई नगरपालिका वडा नं. ६ राममाडीका ३० वर्षिय नरेन्द्र भण्डारी र स्कुटर चालक गोलोन्जोर गाउँपालिका वडा नं. १ सिन्धुलीका २३ वर्षिय चेतराज नेपालीलाई प्रहरीले नियन्त्रणमा लिएको हो ।
