सिन्धुली । विपी राजमार्ग अन्तर्गत सुनकोशी गाउँपालिका वडा नं. ६ शितलपाटीमा शुक्रबार विहान योद्धा पिकअप गाडी दुर्घटना हुँदा एकजनाको मृत्यु भएको छ भने एक जना गम्भिर घाईते भएका छन ।
काठमाण्डौबाट बर्दिबासतर्फ आउँदै गरेको बा.प्र.०१–०२४ च ९९१३ नम्बरको गाडी सडकबाट करीब पाँचसय मिटर तल खाेंचमा खसेको थियो ।
दुर्घटनामा मकवानपुको मनहरी गाउँपालिका वडा नं. ४ का धर्मराज रेग्मीको मृत्यु भएको जिल्ला प्रहरी कार्यालय सिन्धुलीले जनाएको छ ।
रेग्मीलाई सुनकोशी सामुदायिक अस्पताल खुर्कोटमा उपचारका लागि ल्याउँदै गर्दा मृत्यु भएको जिल्ला प्रहरी कार्यालय सिन्धुलीले जनाएको छ ।
जिल्ला प्रहरी कार्यालय सिन्धुलीका डिएसपी सूर्यप्रकाश सुबेदीका अनुसार निरज रेग्मी गम्भिर घाइते भएका छन । उनलाई थप उपचारको लागी धुलिखेल अस्पतालतर्फ लगिएको सुवेदीले बताए । निरज मृतकका भाई रहेको समेत प्रहरीले जनाएको छ । मृतकको शव पोष्टमार्टमको लागि सिन्धुली अस्पताल ल्याईएको सुवेदीले बताए ।
