सिन्धुली । सिन्धुलीको दुधौलीमा शनिबार दिउँसो दुर्घटना भएको छ । दुर्घटनामा परि ६ जना घाईते भएका छन । मदनभण्डारी राजमार्ग अन्तर्गत दुधौली नगरपालिका ९ खोरभञ्याङमा अटो र मोटरसाईकल ठोक्किदा दुर्घना भएको हो ।
बर्दिबासबाट सुनसरीतर्फ जाँदै गरेको ज ११ प २०५९ नम्बरको मोटरसाइकल र विपरीत स्थानबाट आउँदै गरेको प्र२–०१–००१ह१००६ नम्बरको अटो एक आपसमा ठक्कर खाई दुर्घटना भएको हो ।
दुर्घटनामा परि घाईते हुनेमा सुनसरी रामधुनी नगरपालिका ५ बस्ने वर्ष २५ को अनमोल लिम्बु, मोटरसाईकलमा सवार रामधुनी नगरपालिका ५ का २७ वर्षिय सागर राई, अटोमा सवार रहेका भारतको मोटीहारीग्राम रामपुर बस्ने २७ वर्षिय अरुण पण्डित, धनुषा नगराईन नगरपालिका ५ बस्ने वर्ष ३५ की अनितादेवी शाह, उनका छोरा १२ वर्षका अभिमन्यु शाह र महोत्तरी मठियानी नगरपालिका ४ की २५ वर्षिय संगिता कुमारी शाह घाईते भएका छन ।
घाईतेहरुको दुधौली नगर अस्पताल, हेन्स अस्पताल दुधौलीमा उपचार भईरहेको छ । गम्भिर घाईते २ जनाको थप उपचारका लागि विपी कोइराला स्वास्थ्य विज्ञान प्रतिष्ठान धरान पठाईएको जिल्ला प्रहरी कार्यालय सिन्धुलीका एसपी लालध्वज सुबेदीले बताए ।
