सिन्धुली । प्रहरीले विना टाँचा तथा छुट पूर्जी विनाको सालको काठ बरामद गरेको छ । सोमबार हरिहरपुरगढी गाउँपालिका वडा नं. ३ सेरोमा ३० पिस काठ बरामद गरेको हो ।
मकवानपुरबाट सिन्धुलीतर्फ आउँदै गरेको विएवी५०२४ नम्बरको योद्धा गाडीमा ल्याउँदै गरेको ३२.७७ क्युफिट काठ प्रहरीले बरामद गरेको हो । प्रहरी चौकी हरिहरपुरगढीबाट खटिएको टोलीले गाडीमा चेकजाँच गर्ने क्रममा काठ बरामद गरेको जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेले बताए ।
Advertisement. Scroll to continue reading.
एसपी काफ्लेका अनुसार काठ ओसारपसारमा संलग्न गाडी, गाडीका चालक हरिहरपुरगढी गाउँपालिका १ का २८ वर्षिय वुद्ध बहादुर गोले र बरामद गरिएको काठ वन कर्मचारीको रोहबरमा कानुनी प्रक्रिया पुरा गरि आवश्यक कारवाहिका लागि डिभिजन वन कार्यालय मरिणलाई बुझाईएको छ ।
फेसबुक मार्फत प्रतिकिया दिनुहोला
